ზუსტად 28 დღეა, მსოფლიო ღაზაში კაცობრიობის წინააღმდეგ ჩადენილი დანაშაულის მოწმეა. თურქეთმა, ამ კრიზისის დაწყების მომენტიდან პრინციპული და ჰუმანიტარული პოზიცია მიიღო, - ამის შესახებ თურქეთის პრეზიდენტმა, რეჯეფ თაიფ ერდოღანმა ასტანაში, "თურქულ სახელმწიფოთა ორგანიზაციის" სახელმწიფო მეთაურთა საბჭოს სხდომაზე განაცხადა.

ერდოღანის თქმით, "თურქული სამყაროს ერთიანობითა და სოლიდარობით მოქმედება ხელს შეუწყობს გზას ცეცხლის შეწყვეტისკენ, რასაც შემდეგ მუდმივი მშვიდობა მოჰყვება".

"ჩვენი კულტურა და ცივილიზაცია გვირჩევს, დავიცვათ სამართლიანობა, ჩაგრულებს ჩავჭიდოთ ხელი და არ გავჩუმდეთ უსამართლობის წინაშე. 

უპრეცედენტო ადამიანური ტრაგედია ხდება პალესტინაში მთელი მსოფლიოს თვალწინ. იბომბება საავადმყოფოები, სკოლები, მეჩეთები, ეკლესიები, ლტოლვილთა ბანაკები და სასტიკად ხოცავენ უდანაშაულო ბავშვებს. არ არსებობს ცნება, რომელიც ახსნის ამ სისასტიკეს ან გამართლებას, რასაც 7 ოქტომბრის შემდეგ შევესწარით. 

ზუსტად 28 დღეა, მსოფლიო ღაზაში კაცობრიობის წინააღმდეგ ჩადენილი დანაშაულის მოწმეა. თურქეთმა, ამ კრიზისის დაწყების მომენტიდან პრინციპული და ჰუმანიტარული პოზიცია მიიღო. ჩვენი პრიორიტეტია ცეცხლის შეწყვეტის სწრაფად დამყარება. თურქული სამყაროს ერთიანობითა და სოლიდარობით მოქმედება ხელს შეუწყობს გზას ჯერ ცეცხლის შეწყვეტისაკენ, შემდეგ კი, მუდმივი მშვიდობისკენ. ჩვენი ძალისხმევა გრძელდება, რათა საფუძველი ჩავუყაროთ საერთაშორისო სამშვიდობო კონფერენციას", - განაცხადა ერდოღანმა.

შეგახსენებთ, რომ 7 ოქტომბერს, ღაზას სექტორიდან ისრაელის სამხრეთით მოულოდნელი სარაკეტო და სახმელეთო იერიში წამოიწყეს. თავდასხმაზე პასუხისმგებლობა ისლამისტურმა დაჯგუფება "ჰამასმა" აიღო და ისრაელის წინააღმდეგ ოპერაციის "ალ-აკსას წარღვნა" დაწყების შესახებ განაცხადა. იერიშის საპასუხოდ ისრაელის თავდაცვის სამინისტრომ ოპერაცია, სახელწოდებით "რკინის ხმლები" დაიწყო.

8 ოქტომბერს, ისრაელის უსაფრთხოების კაბინეტმა საომარი მდგომარეობა ოფიციალურად გამოაცხადა. 9 ოქტომბერს, ქვეყნის თავდაცვის ძალებმა (IDF) გაავრცელეს ინფორმაცია, რომ ისრაელმა ღაზას საზღვართან მდებარე ყველა ქალაქზე კონტროლი დაიბრუნა. იმავე დღეს, ისრაელის თავდაცვის მინისტრმა, იოავ გალანტმა ღაზას სრული ბლოკირების ბრძანება გასცა. 11 ოქტომბერს, IDF-მ ღაზას გარშემო ბარიერი აღადგინა და აღნიშნულ ტერიტორიაზე დამატებით 300 000 რეზერვისტი გაგზავნა. თავდაცვის ძალების ცნობით, ღაზაში ამჟამად სახმელეთო ოპერაცია მიმდინარეობს და მისი ეტაპობრივად გაფართოება იგეგმება.

ავტორი: ექსპრესნიუსი,

სოციალური ქსელები

საქართველო და სომხეთი 2029 წელს FIFA-ს U20 მსოფლიო ჩემპიონატს უმასპინძლებენ

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო