ისრაელის თავდაცვის ძალების (IDF) წარმომადგენლის, დანიელ ჰაგარის განცხადებით, ღაზას სექტორში "ჰამასს" მძევლად 240 ადამიანი ჰყავს აყვანილი. ამის შესახებ ინფორმაციას The Times of Israel-ი ავრცელებს.

როგორც ჰაგარი ამბობს, ისლამისტური დაჯგუფების მიერ ტყვედ აყვანილი ადამიანების ოჯახის წევრები ინფორმირებული არიან, თუმცა აღნიშნული მონაცემი საბოლოო არ არის, რადგან ინფორმაციის მოძიება კვლავ გრძელდება.

მისი თქმით, მძევალთა რიცხვში არ შედის ჯუდით რაანანი და მისი ქალიშვილი ნატალი, ნურით კუპერი, იოჩევედ ლიფშიცი და  ერთი სამხედრო მოსამსახურე, რომლებიც "ჰამასმა" უკვე გაათავისუფლა.

მისივე თქმით, კიდევ ათობით ადამიანი უგზო-უკვლოდ დაკარგულია და მათი ბედი ისრაელის თავდაცვის ძალებისთვის ამ დროისთვის უცნობია.

შეგახსენებთ, რომ 7 ოქტომბერს, ღაზას სექტორიდან ისრაელის სამხრეთით მოულოდნელი სარაკეტო და სახმელეთო იერიში წამოიწყეს. თავდასხმაზე პასუხისმგებლობა ისლამისტურმა დაჯგუფება "ჰამასმა" აიღო და ისრაელის წინააღმდეგ ოპერაციის "ალ-აკსას წარღვნა" დაწყების შესახებ განაცხადა. იერიშის საპასუხოდ ისრაელის თავდაცვის სამინისტრომ ოპერაცია, სახელწოდებით "რკინის ხმლები" დაიწყო.

8 ოქტომბერს, ისრაელის უსაფრთხოების კაბინეტმა საომარი მდგომარეობა ოფიციალურად გამოაცხადა. 9 ოქტომბერს, ქვეყნის თავდაცვის ძალებმა (IDF) გაავრცელეს ინფორმაცია, რომ ისრაელმა ღაზას საზღვართან მდებარე ყველა ქალაქზე კონტროლი დაიბრუნა. იმავე დღეს, ისრაელის თავდაცვის მინისტრმა, იოავ გალანტმა ღაზას სრული ბლოკირების ბრძანება გასცა. 11 ოქტომბერს, IDF-მ ღაზას გარშემო ბარიერი აღადგინა და აღნიშნულ ტერიტორიაზე დამატებით 300 000 რეზერვისტი გაგზავნა. 

7 ოქტომბრიდან დღემდე, "ჰამასმა" არაერთი სარაკეტო იერში განახორციელა ისრაელის სამხრეთსა და ცენტრალურ ნაწილში მდებარე ქალაქებზე, მათ შორის სდეროტზე, აშკელონზე, თელ-ავივზე, რასაც ისრაელის მხრიდან საპასუხო საჰაერო იერიშები მოჰყვა. რაც შეეხება მსხვერპლს, როგორც ისრაელის, ისე ღაზას ტეროტორიაზე დაღუპულთა რიცხვი ყოველდღიურად იზრდება.

ავტორი: ექსპრესნიუსი,

სოციალური ქსელები

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი

კობახიძიე ისევ აკრიტიკებს გერმანიას და ევროპაში ყველაზე ძლიერ ქვეყანას კომიკურს უწოდებს

კობახიძე სამთავრობო ცვლილებებზე - ალიანსს მიღმაც არ ვაპირებთ ოპოზიციიდან კადრების მოზიდვას

დიდი ბრიტანეთი სამხედრო ბანკის შექმნას გეგმავს