2023-10-18 04:01:03, 781 ნახვა
მსოფლიო
„ჰეზბოლა“ და „ჰამასი“ ისრაელს უპრეცედენტო რისხვით ემუქრება
ირანის მარიონეტულმა ლიბანურმა დაჯგუფება "ჰეზბოლამ" ისრაელის წინააღმდეგ “უპრეცედენტო რისხვის დღე” გამოაცხადა. ინფორმაციას გამოცემა Jerusalem Post ავრცელებს.
"ჰეზბოლას" მუქარა ღაზის სექტორში მდებარე ალ-აჰლის საავადმყოფოში მომხდარ აფეთქებას მოჰყვა. ტერორისტული დაჯგუფება "ჰეზბოლას" თქმით, აფეთქებაზე პასუხისმგებლობა "ისრაელსა და მის სპონსორს, ამერიკის შეერთებულ შტატებს" ეკისრება.
"ჰამასის" მოძრაობის ხელმძღვანელმა საზღვარგარეთ, ხალედ ალ-მაშაალმა , ისლამურ სამყაროს მოუწოდა, მოაწყონ დემონსტრაციები ისრაელის საელჩოებთან ყველა ქვეყანაში, ღაზას სექტორში საავადმყოფოზე თავდასხმის ფონზე
ავტორი: ექსპრესნიუსი,
epn.ge (@expressnews.ge)
