2023-10-16 15:38:56, 630 ნახვა

---

მაია კოპალეიშვილი - პროცესი პოლიტიკურია, მაგრამ საკონსტიტუციოს უნდა შესძლებოდა, სამართლებრივი გადაწყვეტილება მიეღო

თავად პროცესი, რა თქმა უნდა, პოლიტიკურია, მაგრამ საკონსტიტუციო სასამართლოს უნდა შესძლებოდა, რომ სამართლებრივი გადაწყვეტილება მიეღო,- ასე ეხმაურება საქართელოს პრეზიდენტის წარმომადგენელი მაია კოპალეიშვილი საკონსტიტუციო სასამართლოს დასკვნას, რომლის მიხედვითაც პრეზიდენტმა, სალომე ზურაბიშვილმა საქართველოს კონსტიტუცია დაარღვია.

კოპალეიშვილის თქმით, საკონსტიტუციო სასამართლოს არ ჰქონდა არც ფაქტობრივი და არც სამართლებრივი საფუძველი საიმისოდ, რომ დაედგინა პრეზიდენტის მიერ კონსტიტუციის დარღვევის ფაქტი.

"საკონსტიტუციო სასამართლოს არ ჰქონდა არც ფაქტობრივი და არც სამართლებრივი საფუძველი საიმისოდ, რომ დაედგინა პრეზიდენტის მიერ კონსტიტუციის დარღვევის ფაქტი. თავად პროცესი, რა თქმა უნდა, პოლიტიკურია, მაგრამ საკონსტიტუციო სასამართლოს უნდა შესძლებოდა, რომ სამართლებრივი გადაწყვეტილება მიეღო, თუმცა, შედეგის თვალსაზრისით, ეს ასე არ ჩანს. ამიტომ, თუ დასკვნა არ ვნახე, რთულია დეტალებზე საუბარი",- განაცხადა კოპალეიშვილმა.

შეგახსენებთ, რომ დღეს, 16 ოქტომბერს საქართველოს საკონსტიტუციო სასამართლომ პრეზიდენტ სალომე ზურაბიშვილის მიერ კონსტიტუციის დარღვევა დაადგინა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი