2023-10-04 17:43:37, 1272 ნახვა
ომი უკრაინაში
უკრაინამ სამი ჩინური კომპანია „ომის საერთაშორისო სპონსორების“ სიაში შეიყვანა
უკრაინამ ჩინეთის სახელმწიფო მფლობელობაში მყოფი სამი უმსხვილესი ნავთობისა და ბუნებრივი აირის მწარმოებელი კომპანია “ომის საერთაშორისო სპონსორების” სიაში შეიყვანა. ამის შესახებ ინფორმაციას გამოცემა Politico ავრცელებს.
გამოცემის ცნობით, “ომის საერთაშორისო სპონსორების” სიაში Sinopec Group, CNOOC Group და CNPC მოხვდნენ.
ჩამოთვლილი კომპანიები უკრაინამ რუსეთში გადასახადების გადახდაში, რუსეთის ტერიტორიაზე ახალი პროექტების დაწყებასა და დიდი რაოდენობით რუსული ნავთობისა და ბუნებრივი აირის შესყიდვაში ამხილა.
მომხდართან დაკავშირებით კომპანიებს განცხადება ამ დრომდე არ გაუკეთებიათ.
ავტორი: ექსპრესნიუსი,
epn.ge (@expressnews.ge)
