ცესკოს თავმჯდომარემ, გიორგი კალანდარიშვილმა პირველი ოქტომბრის შუალედური/რიგგარეშე არჩევნების პირველადი წინასწარი შედეგი წარადგინა.

როგორც ცესკოში გამართულ ბრიფინგზე გიორგი კალანდარიშვილმა განაცხადა, არჩევნებში მონაწილეობა 43 330 ამომრჩეველმა მიიღო, ყველაზე მაღალი აქტივობა კი, დაფიქსირდა გურჯაანში, სადაც საარჩევნო უბანზე ამომრჩეველთა 35.24% მივიდა. 

"ამ დროისთვის საარჩევნო უბნების საქმიანობა ჯერ კიდევ არაა დასრულებული, ვინაიდან აპარატების მიერ დათვლის გარდა, კომისიები დამატებით ხელით გადაითვლიან შედეგებს, რაც სანდოობის მნიშვნელოვანი მექანიზმია, ამის შემდეგ კი. შედგება შემაჯამებელი ოქმები. ამჟამად სწორედ ეს პროცესი მიმდინარეობს საარჩევნო უბნებზე. აქვე შეგახსენებთ, რომ შემაჯამებელი ოქმები პლანშეტების საშუალებით, საარჩევნო უბნებიდან პირდაპირ ცესკოში გადმოიგზავნება, რაც კიდევ უფრო შეამცირებს შედეგების დამუშავებისა და შემდგომი გამოქვეყნების დროს. მას შემდეგ, რაც შედგება საუბნო შემაჯამებელი ოქმები, როგორც მოდერნიზებულ, ისე ტრადიციულ საარჩევნო უბნებზე, ისინი უმოკლეს ვადაში მოეწოდება ცესკოს, რის შემდეგაც აიტვირთება სპეციალურ ვებგვერდზე results.cec.gov.ge და   ნებისმიერი დაინტერესებული პირისთვის იქნება ხელმისაწვდომი.

რაც შეეხება ამომრჩეველთა აქტივობას, არჩევნებში მონაწილეობა სულ 43 330 ამომრჩეველმა მიიღო.  მაღალი აქტივობა დაფიქსირდა გურჯაანში, სადაც საარჩევნო უბანზე ამომრჩეველთა 35.24% მივიდა. 

აღსანიშნავია, რომ არჩევნებზე დაკვირვების მიზნით საარჩევნო ადმინისტრაციაში რეგისტრაცია გაიარა 3 საერთაშორისო ორგანიზაციის 16-მა და 23 ადგილობრივი ორგანიზაციის 426-მა დამკვირვებელმა, ასევე საარჩევნო სუბიექტების 178-მა წარმომადგენელმა. საარჩევნო პროცესის გაშუქების მიზნით კი, აკრედიტაცია მედია ორგანიზაციების 158 წარმომადგენელმა გაიარა. 

ახლა კი გაგაცნობთ 103 უბნის ხმის მთვლელი აპარატებიდან ამობეჭდილ წინასწარ შედეგებს. 

საქართველოს პარლამენტის შუალედური არჩევნების წინასწარი შედეგი შემდეგია:

№ 34 მამუკა ტუსკაძე (საქართველოს მოქალაქეთა პოლიტიკური მოძრაობა „სოციალური სამართლიანობისათვის“) -1 344 ხმა 

№ 41 გიორგი სოსიაშვილი (მოქალაქეთა პოლიტიკური გაერთიანება „ქართული ოცნება - დემოკრატიული საქართველო“) -19 032 ხმა  

რაც შეეხება გურჯაანის მერის რიგგარეშე არჩევნებს, აქ წინასწარი შედეგი შემდეგია:

№ 41 გიორგი მაჭავარიანი (მოქალაქეთა პოლიტიკური გაერთიანება „ქართული ოცნება - დემოკრატიული საქართველო“) 14 450 ხმა",- განაცხადა კალანდარიშვილმა.

ავტორი: ექსპრესნიუსი,

სოციალური ქსელები

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა