ზურაბიშვილს ანგარიში არ ჩაუბარებია არც მთავრობისთვის, რომელიც უშუალოდ ხელმძღვანელობს საგარეო მიმართულებებს, არც პარლამენტისთვის და არც საზოგადოებისთვის. ყველას აინტერესებს, რა ჩაიტანა და რით ჩამოვიდა,- ამის შესახებ "ქართული ოცნების" დეპუტატმა, გიორგი ვოლსკიმ საქართველოს პრეზიდენტის, სალომე ზურაბიშვილის ვიზიტებზე საუბრისას განაცხადა.

ვოლსკის თქმით, პრეზიდენტი "ბაქიბუქობს", როდესაც აცხადებს, რომ საქართველო აუცილებლად მიიღებს კანდიდატის სტატუსს იმიტომ, რომ ამაში პირადადაა ჩართული.

"სალომე ზურაბიშვილს ანგარიში არ ჩაუბარებია არც მთავრობისთვის, რომელიც უშუალოდ ხელმძღვანელობს საგარეო მიმართულებებს, არც პარლამენტისთვის და არც საზოგადოებისთვის.

ყველას აინტერესებს, რა ჩაიტანა და რით ჩამოვიდა იმიტომ, რომ ეს ბაქიბუქი, რაც მისგან მოვისმინეთ, რომ აუცილებლად მიიღებს საქართველო კანდიდატის სტატუსს იმიტომ, რომ იგია პირადად ამაში ჩართული და ევროპულ მომავალს არ მიატოვებს, ეს მაღალფარდოვანი განცხადებები გაკეთდა, მაგრამ ამის შემდეგ ერთადერთი საერთო ბრიფინგი ვიხილეთ მისი ვიზიტებიდან, ლატვიის პრეზიდენტი გამოვიდა და გალანძღა საქართველო, როგორც კი შეეძლო.

რა განცხადებას გააკეთებს თავის ვოიაჟებთან დაკავშირებით რა ფორმულით ჩავიდა, თუ იგივე სულელური ფორმულით ჩავიდა, რომელიც ეხება საზოგადოების და მთავრობის ერთმანეთისგან გამიჯვნას და საზოგადოებისათვის სტატუსის მოთხოვნას, რა საკვირველია, ეს მავნებლურია და რა საკვირველია, ამასთან დაკავშირებით ჩვენ გვექნება შესაბამისი რეაქცია",- განაცხადა ვოლსკიმ.

შეგახსენებთ, რომ 27 სექტემბერს, საქართველოს პრეზიდენტი სალომე ზურაბიშვილი ვილნიუსში ლიეტუვის პრეზიდენტ გიტანას ნაუსედას, 26 სექტემბერს, ლატვიის პრეზიდენტ ედგარს რინკევიჩს, ხოლო 25 სექტემბერს, ესტონეთის პრეზიდენტ ალარ კარისს შეხვდა.

ავტორი: ექსპრესნიუსი,

სოციალური ქსელები

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა