თბილისის მერი კახა კალაძე მიიჩნევს, რომ ოპოზიციის წარმომადგენლებს მომავალ არჩევნებზე გამარჯვების შესაძლებლობა არ აქვთ, რადგან "რადიკალიზმი ყოველთვის მარცხისთვის არის განწირული". 

ამის შესახებ მან „მთავარი არხის“ დამფუძნებლის, საქართველოს ყოფილი ხელისუფლების წარმომადგენლის, ნიკა გვარამიას მიერ გაკეთებული განცხადებების შეფასებისას ისაუბრა. 

„ყველაფერი ცხადი და ნათელია: ადამიანი რომ გიგი უგულავასთან გაერთიანდება, რომელიც რადიკალურ ოპოზიციას თავისი პირით ადარებს ზომბებს, რა გამარჯვებაზეა საერთოდ საუბარი? გვარამია დიდი ხანია არის პოლიტიკაში და პოლიტიკურ საქმიანობას ეწევა. კიდევ ერთხელ ვიმეორებ: გინდ გვარამია იყოს, გინდ ბუაძე, მელია და ა.შ. არაფერი შეიცვლება. ისინი არიან რადიკალური ოპოზიციის წარმომადგენლები, ჰყავთ ერთი პატრონი, რადიკალიზმი კიб ჩვენს ქვეყანაში ყოველთვის დამარცხდება“,- განაცხადა კახა კალაძემ. 

კითხვაზე, განიხილავს თუ არა „ქართული ოცნება“ ნიკა გვარამიას კონკურენტად, თბილისის მერი პასუხობს, რომ გვარამია "თავისი წარსული საქმიანობიდან გამომდინარე, მმართველი პარტიის კონკურენტად არ განიხილება". 

„როგორ შეიძლება კონკურენტად განიხილო ადამიანი, რომელიც ხელისუფლებაში ყოფნის დროს ისეთი სიბინძურეებით იყო დაკავებული, არ ვიცი, რომელი ერთი ჩამოვთვალო - იგივე მისი განცხადებები, კონკრეტული ქმედებები, თუნდაც, ლევან ბერძენიშვილისა და შალვა ნათელაშვილის მისამართით გაკეთებული განცხადებები, რომ ისინი რუსეთის აგენტები არიან და ა.შ. ის დღესაც განაგრძობს ამ სიბინძურეს თავისი გამონათქვამებით. გავიხსენოთ, თუნდაც ადგილობრივი თვითმმართველობის არჩევნები - რას აკეთებდა და კადრულობდა“,- აღნიშნა დედაქალაქის მერმა. 

გარდა ამისა, კახა კალაძემ ნიკა გვარამიას მიერ გაკეთებულ კიდევ ერთ განცხადებასთან დაკავშირებით დასმულ შეკითხვას უპასუხა, რომლის თანახმადაც, „თბილისს ყოფილი მთავარი პროკურორის, ოთარ ფარცხალაძის 4 000-კაციანი ჯგუფი აკონტროლებს“. 

„ჩემი რჩევა იქნება, რომ უფრო დაძაბოთ - 10 000-იანი თქვით, 4 000-იანი ძალიან ცოტაა. ცოტა უფრო დაძაბეთ, „ექშენი“ გაუკეთეთ და 10 000-იანი თქვით“,- თქვა მერმა.

ავტორი: ექსპრესნიუსი,

სოციალური ქსელები

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა