ოთარ ფარცხალაძე, 10 წელზე მეტია, აღარ არის საჯარო მოხელე. გაუგებარია და მინდა გაკვირვება გამოვხატო, ზოგადად, რატომ მოხდა ფარცხალაძის დასანქცირება, აუხსნელია ჩემთვის",- ამის შესახებ საქართველოს პრემიერ-მინისტრმა, ირაკლი ღარიბაშვილმა განაცხადა.

როგორც ღარიბაშვილმა ჟურნალისტებს უთხრა, საქართველოს სახელმწიფო სამსახურებისთვის არ არის ცნობილი არც ერთი ფაქტი, რომ ამერიკის შეერთებული შტატების მიერ დასანქცირებულმა ყოფილმა მთავარმა პროკურორმა, ოთარ ფარცხალაძემ ქვეყნის ინტერესების საზიანოდ და სხვა ქვეყნების ინტერესების სასარგებლოდ რამე ქმედება ჩაიდინა.

"ძალიან მგრძნობიარე საკითხია. ერთი რამ მინდა გითხრათ - ყველა ის ადამიანი, რომელიც ქვეყნის ინტერესების საზიანოდ და სხვა ქვეყნების ინტერესების სასარგებლოდ მოქმედებს, ის ჩემს თვალში არის მოღალატე - მნიშვნელობა არ აქვს, რომელი ქვეყნის აგენტი იქნება. ის არის გამყიდველი და მოღალატე ადამიანი. ჩემთვის და სახელმწიფო სამსახურებისთვის არ არის ცნობილი არც ერთი ფაქტი, რომ ფარცხალაძემ ჩვენი ქვეყნის ინტერესების საზიანოდ და სხვა ქვეყნების ინტერესების სასარგებლოდ რამე ქმედება ჩაიდინა. ფარცხალაძე არის ბიზნესმენი. ჩემთვის სასაცილოა, ნამდვილი ჯაშუშების კომენტარების მოსმენა...

ფარცხალაძეს არ სჭირდება ჩემი ადვოკატობა, მაგრამ ჩემს პოზიციას ვაფიქსირებ. აუცილებელია, რომ ბრმად გადაწყვეტილება არ მივიღოთ. არასდროს არ მოუმართავს ფარცხალაძის შესახებ ამერიკის შეერთბული შტატების არცერთ სამსახურს. მათ რომ გადაემოწმებინათ ფარცხალაძის საქმიანობა რუსეთში, ჩვენ ვიცოდით, რომ მას ბიზნესსაქმიანობა ჰქონდა, მაგრამ ისიც ვიცოდით, რომ ფარცხალაძე ოლიგარქი არ არის და გავლენა არ აქვს საზოგადოებაზე, მგონი ეს დასამალი არაა, ეს ყველამ იცის.

როგორ არის ფარცხალაძე ოლიგარქი?! რანაირი ოლიგარქია? კაცი წასულია ხელისუფლებიდან 10 წელზე მეტია. აკეთებს ბიზნესს, ეს მისი არჩევანია - რატომ აიღო პასპორტი, ეს ადამიანის ინდივიდუალური არჩევანია",- თქვა ღარიბაშვილმა.

ავტორი: ექსპრესნიუსი,

სოციალური ქსელები

ჯაშუშობის ბრალდებით დაკავებულ გიორგი უძილაურს ბრალდება წარედგინა, მას 12-წლამდე პატიმრობა ემუქრება

გიორგი და დავით მიქაძეებს, ასევე გიორგი ჯოხაძეს ბიზნესმენ ლევან ჯანგველაძის შეკვეთით მკვლელობისთვის უვადო პატიმრობა მიესაჯათ

ანტისემიტური და ნაცისტური განცხადებების მიუხედავად, Kanye West საქართველოში ჩამოდის - მსოფლიოში კი მისი კონცერტები უქმდება

შსს: საბაჟოზე 103 კგ-მდე მეტამფეტამინი ამოიღეს, ღირებულება შავ ბაზარზე ₾30 მლნ-მდეა