ლიტერატურული კონკურსი "პეგასი" იწყება. ამის შესახებ ინფორმაციას ქედის მუნიციპალიტეტის მერია ავრცელებს.

მერიის ცნობით, კონკურსი ოთხ ეტაპად ჩატარდება, რომლის ფარგლებშიც მონაწილეები ადგილზე შექმნილ ნამუშევრებს წარმოადგენენ პროზასა და პოეზიაში.

"ღონისძიების პროგრამა:

 პირველი ტური - 4 ოქტომბერი, 12:00 საათი, ქობულეთის მუნიციპალიტეტი;

 მეორე ტური - 6 ოქტომბერი, 12:00 საათი, ქედის  მუნიციპალიტეტი;

 მესამე ტური - 8 ოქტომბერი, 12:00 საათი, ხელვაჩაურის მუნიციპალიტეტი;

 მეოთხე ტური - 10 ოქტომბერი, 12: 00 საათი, აჭარის მწერალთა სახლი.

კონკურსის შედეგად ჟიურის მიერ გამოვლინდება 10 გამარჯვებული. ასევე გამოვლინდებიან "პეგასი 2023"-ის გამარჯვებულები ხუთ ნომინაციაში: 1. პატრიოტული; 2. დიალექტური; 3. რომანტიკული; 4. კრეატიული; 5. კლასიკური.

გამარჯვებულთა დაჯილდოება გაიმართება ხულოს მუნიციპალიტეტში, 13 ოქტმბერს 14:00 სთ-ზე. პროექტის მხარდამჭერებისაგან გამარჯვებულებს გადაეცემათ ფასიანი საჩუქრები. პროექტის მიზანია, დამწყები შემოქმედების გამოვლენა და მათ შესახებ ცნობადობის გაზრდა. ფინალისტებისთვის საჩუქრად გამოიცემა ბროშურა - "პეგასი 2023", რომელშიც შევა მათ მიერ შექმნილი ნამუშევრები.

 პროექტის ორგანიზატორი და იდეის ავტორი - ნანა შაინიძე;

პროექტის თანაორგანიზატორი - რამაზ ხმალაძე.

კონკურში მონაწიელობის მსურველები დაუკავშირდით შემდეგ ნომრებზე: ქობულეთი - ლია შაქარიშვილი, 599 53 38 08; ხელვაჩაური - ნარგიზ ციმნარიძე, 599 85 14 55; ქედა - ირმა ქოქოლაძე, 599 50 08 46; შუახევი - ვახტანგ გოგრაჭაძე, 591 71 21 41; ხულო - რამაზ ხმალაძე, 595 50 46 36.

რეგისტრაცია 30 სექტემბრის ჩათვლით გაგრძელდება და მასში მონაწილეობის მიღება 16-დან 29 წლამდე ასაკის ახლგაზრდებს შეეძლებათ. ლიტერატურული კონკურსი "პეგასი", პირველად 2019 წელს ხულოს მუნიციპალიტეტში ჩატარდა. კონკურსი წელს მეხუთედ ტარდება. გისურვებთ წარმატებებს!"- ნათქვამია ქედის მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს

სასამართლომ გრიგოლ ლილუაშვილის ნათესავს, ანდრია ლილუაშვილს 12 წლით პატიმრობა მიუსაჯა

ნეტა ჩემი შვილი მომკვდარიყო და ის ბავშვი ყოფილიყო ცოცხალი - დაკავებული ნიკა კაპანაძის დედა