2023-09-15 11:09:02, 643 ნახვა

---

ღარიბაშვილი - ყველა სტუდენტს, ვისაც შეჩერებული აქვს სტატუსი ფინანსური დავალიანების გამო, დავალიანება გაუნულდება

ყველა სტუდენტს, ვისაც შეჩერებული აქვს სტატუსი ფინანსური დავალიანების გამო, დავალიანება გაუნულდება,- ამის შესახებ პრემიერ-მინისტრმა, ირაკლი ღარიბაშვილმა მთავრობის სხდომაზე განაცხადა.

როგორც პრემიერმა აღნიშნა, დავალიანება, დაახლოებით, 40 მლნ ლარს შეადგენს. 

"დაახლოებით, 30 000-მდე სტუდენტს ფინანსური დავალიანების გამო შეჩერებული აქვს სტატუსი. ამიტომ, ჩემი გადაწყვეტილებით, ყველა სტუდენტს, ვისაც შეჩერებული აქვს სტატუსი ფინანსური დავალიანების გამო, დავალიანება გაუნულდება. მათ შეეძლებათ, რომ სურვილის შემთხვევაში, აღიდგინონ სტატუსი და გააგრძელონ სწავლა. ეს არის, დაახლოებით, 40 მლნ ლარის დავალიანება",- განაცხადა ღარიბაშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი