„მოსახლეობის ინდივიდუალური სამედიცინო დახმარების“ პროგრამის ფარგლებში, სხვადასხვა დიაგნოზის მქონე პაციენტებს მკურნალობისთვის საჭირო ძვირადღირებული მედიკამენტები, სრულად თანაგადახდის გარეშე დაუფინანსდებათ. აღნიშნულის შესახებ ინფორმაციას აჭარის ჯანდაცვის სამინისტრო ავრცელებს.

„აჭარის ჯანდაცვის სამინისტროს „მოსახლეობის ინდივიდუალური სამედიცინო დახმარების“ პროგრამის ფარგლებში, მიმდინარე წლის 1 აგვისტოდან:

• გაფანტული სკლეროზის
• რევმატოიდული ართრიტის მძიმე ფორმის
• იდიოპათიური მაანკილოზებელი სპონდილიტის
• ფსორიაზისა და ფსორიაზული ართრიტის

დიაგნოზის მქონე პაციენტებს, მკურნალობისთვის საჭირო ძვირადღირებული მედიკამენტები, მიუხედავად სოციალური სტატუსისა, უფინანსდებათ სრულად, თანაგადახდის გარეშე.

პროგრამა ითვალისწინებს, აღნიშნული დიაგნოზის მქონე პაციენტების მკურნალობასთან დაკავშირებული ფინანსური რისკებისაგან დაცვას, რომელიც ვერ იფარება მოქმედი სახელმწიფო პროგრამებით.

• აჭარის ჯანდაცვის სამინისტრომ გაფანტული სკლეროზის ძვირადღირებული მედიკამენტების დაფინანსება 2018 წელს დაიწყო. 2019 წელს პროგრამას რევმატოიდული ართრიტის მკურნალობა დაემატა, ხოლო 2022 წლიდან  ფსორიაზის, ფსორიაზული ართრიტის და იდიოპათიური მაანკილოზებელი სპონდილიტის.

იხილეთ პროგრამა ვრცლად: https://bitly.ws/U97y”,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს