დაცული ტერიტორიების სააგენტო - გვსურს მწუხარებით გამოვეხმაუროთ ოკაცეს ჩანჩქერის მოშორებით მომხდარ უბედურ შემთხვევას, ვუსამძიმრებთ გარდაცვლილის ოჯახს

2023-09-04 17:30:34, 606 ნახვა

საზოგადოება

გარემოს დაცვისა და სოფლის მეურნეობის სამინისტროს დაცული ტერიტორიების სააგენტო განცხადებას ავრცელებს და ოკაცეს ჩანჩქერის მოშორებით მომხდარ უბედურ შემთხვევას ეხმაურება. დაცული ტერიტორიების სააგენტო გარდაცვლილის ოჯახს უსამძიმრებს.

როგორც განცხადებაშია ნათქვამი, მომხდართან დაკავშირებით გამოძიება მიმდინარეობს.

„გვსურს მწუხარებით გამოვეხმაუროთ ოკაცეს ჩანჩქერის (კინჩხა) მოშორებით მომხდარ უბედურ შემთხვევას. ვუსამძიმრებთ გარდაცვლილის ოჯახს. აღნიშნულ ფაქტთან დაკავშირებით მიმდინარეობს გამოძიება.

უბედური შემთხვევა მოხდა ოკაცეს ჩანჩქერის (კინჩხა) ბუნების ძეგლის მოშორებით, სოფელ კინჩხაში. მედია საშუალებებს მოვუწოდებთ თავი შეიკავონ გადაუმოწმებელი/არაზუსტი ინფორმაციის გავრცელებისგან“, - ნათქვამია განცხადებაში.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),