2023-09-02 13:50:11, 911 ნახვა
მსოფლიო
მედია - უკრაინაში ოლიგარქი იგორ კალამოისკი დააკავეს
უკრაინაში ოლიგარქი იგორ კალამოისკი დააკავეს. აღნიშნულის შესახებ ინფორმაციას უკრაინული მედია ავრცელებს.
მათი ცნობით, უკრაინის უსაფრთხოების სამსახურმა, ეკონომიკური უსაფრთხოების ბიურომ და გენერალურმა პროკურატურამ კალამოისკი დღეს საცხოვრებელ სახლში დააკავეს.
მათივე ცნობით, კალამოისკის ბრალი სისხლის სამართლის კოდექსის 190-ე და 209-ე მუხლით გათვალისწინებულ დანაშაულში ედება, რაც თაღლითობას და დანაშაულებრივი გზით მოპოვებული ქონების ლეგალიზაციას (გათეთრებას) გულისხმობს.
ამასთან, უკრაინული გამოძიების თანახმად, 2013-დან 2020 წლამდე მან ნახევარ მილიარდზე მეტი გრივნა გაათეთრა და უკრაინის საზღვრებს გარეთ გაიტანა.
ავტორი: ექსპრესნიუსი,
epn.ge (@expressnews.ge)
