2023-08-30 11:34:59, 617 ნახვა

---

ადმინისტრაცია - კანდიდატის სტატუსის მინიჭების მხარდასაჭერად პრეზიდენტი 31 აგვისტოდან ევროპელ ლიდერებთან შეხვედრებს იწყებს

კანდიდატის სტატუსის მინიჭების მხარდასაჭერად პრეზიდენტი ევროპელ ლიდერებთან შეხვედრებს იწყებს,- აღნიშნულის შესახებ განცხადებას პრეზიდენტის ადმინისტრაცია ავრცელებს.

მათი ცნობით, შეხვედრები კანდიდატის სტატუსს უკავშირდება, პირველი შეხვედრა კი 31 აგვისტოს ბერლინში გერმანიის პრეზიდენტთან, ფრანკ-ვალტერ შტაინმაიერთან გაიმართება.

„31 აგვისტოს, ქალაქ ბერლინში, გერმანიის ფედერაციული რესპუბლიკის პრეზიდენტთან, ფრანკ-ვალტერ შტაინმაიერთან ვიზიტით, საქართველოს პრეზიდენტი, სალომე ზურაბიშვილი იწყებს შეხვედრებს ევროპელ ლიდერებთან საქართველოსთვის ევროკავშირის წევრობის კანდიდატი ქვეყნის სტატუსის მინიჭების მხარდასაჭერად“,- ნათქვამია განცხადებაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი