2023-08-19 18:13:11, 1073 ნახვა
საზოგადოება
შოვში, სტიქიის დროს დაკარგული ზაზა მესხის უფროსი შვილის დაღუპვა დადასტურდა
შოვში, სტიქიის დროს დაკარგული ზაზა მესხის უფროსი ბიჭის გარდაცვალება დადასტურდა. აღნიშნულის შესახებ ინფორმაციას ზაზა მესხის ყოფილი ცოლი სოციალურ ქსელში ავრცელებს.
მისი ცნობით, დნმ-ანალიზით მისი და ზაზა მესხის შვილის ცხედარი ტანსაცმლის, სიმაღლის და კბილების დადასტურდა.
"დნმ-ანალიზით დადასტურდა ჩემი და ზაზა მესხის შვილის ცხედარი. ტანსაცმლის, სიმაღლის და კბილების მიხედვით პოლიციასთან ერთად დავასკვენით, რომ ეს უნდა იყოს ჩემი ორი დაკარგული ბიჭებისგან უფროსი.
მშვიდობით განისვენოს. და მინდა გავიმეორო ჩემთვის მნიშვნელოვანი თხოვნა: გთხოვთ, არ გააზიაროთ ბავშვების სახელები სოციალურ ქსელებში",- წერს ის.
შეგახსენებთ, რაჭაში, ონის მუნიციპალიტეტის ტერიტორიაზე მდებარე კურორტ შოვში სტიქიური უბედურება 3 აგვისტოს მოხდა. მომხდართან დაკავშირებით გამოძიება ორი მუხლით მიმდინარეობს.
ავტორი: ექსპრესნიუსი,
epn.ge (@expressnews.ge)
