საპარლამენტო უმრავლესობის წევრი ირაკლი ზარქუა საქართველოს პრემიერ-მინისტრის და მთავრობის სხვა წევრების ჩინეთის რესპუბლიკაში ვიზიტს ეხმიანება.

ზარქუა დადებითად აფასებს და მადლობას უხდის მთავრობას ასეთი მნიშვნელოვანი ვიზიტისთვის.

„ჩვენი საზოგადოებისთვის სასიხარულოა, რომ ჩინეთთან ასეთი ღირსეული, ყოვლისმომცველი და საკმაოდ მნიშვნელოვანი ვიზიტი ჰქონდა ჩვენს მთავრობას ბატონი ღარიბაშვილის ხელმძღვანელობით, სადაც სტრატეგიული თანამშრომლობა ჯერ ითქვა, შემდეგ დაიდო და გახმოვანდა ის ხელშეკრულება, რომელიც ეხება საერთაშორისო ვაჭრობის თემებს ჩინეთთან, ეხება კულტურულ, საგანმანათლებლო მიმართულებებს და ერთი სიტყვით მნიშვნელოვანია, რომ ჩვენთვის ჩინეთი, რომელიც ეკონომიკით მსოფლიოში მეორე ეკონომიკის მქონე ქვეყანაა, ასე გვერდში დაუდგება საქართველოს, კიდევ უფრო მეტად. მნიშვნელოვანი დეტალია, რომ ჩინეთი აღიარებს საქართველოს ტერიტორიულ მთლიანობას, ეს აქამდეც ასე იყო და მომავალშიც ასე გაგრძელდება. ჩინეთიდან ის ახალი ტექნოლოგიები, ახალი შესაძლებლობები, მათ შორის, ტრანზიტული ფუნქციის განვითარებისთვის, ჩვენი ქვეყნისთვის სასიცოცხლოდ მნიშვნელოვანია და ბუნებრივია ეს დამატებით ფინანსურ რესურსსაც მისცემს ჩვენს ქვეყანას. ასე რომ, ცალსახად დადებითად უნდა შევაფასოთ და კიდევ ერთხელ მადლობას ვუხდი ბატონ პრემიერს, ჩვენს მთავრობას ასეთი მნიშვნელოვანი ვიზიტისთვის ჩინეთში“, - განაცხადა ირაკლი ზარქუამ ჟურნალისტებთან.

ავტორი: NS (სტატია დაფინანსებულია),

სოციალური ქსელები

ფაშინიანი ამბობს, რომ მოსკოვში 9 მაისის აღლუმზე არ ჩავა

კალაძეს ჰგონია, რომ რეჟიმს მოქალაქეებზე ძალადობას აბრალებენ, თავად კი ძალადობას გმობენ

სისხლის სამართლის შესაძლო დანაშაული არჩევნებზე - მოქმედი მოსამართლე პროკურატურისგან გამოძიებას ითხოვს

კალაძე 4 ოქტომბერს დაკავებულებზე: მათ სახელმწიფო გადატრიალების დავალება ჰქონდათ