ამერიკის შეერთებულმა შტატებმა უკრაინას დამატებით 400 მილიონი დოლარის ღირებულების დახმარების პაკეტი გამოუყო. აღნიშნულის შესახებ ინფორმაციას უკრაინული მედია ავრცელებს.

დახმარების პაკეტში მოიცავს:

• საბრძოლო მასალას Patriot-ისა და NASAMS-ის სისტემებისთვის;
• საბრძოლო მასალას HIMARS-ის საზენიტო სარაკეტო სისტემებისთვის;
• Stinger-ის საზენიტო სისტემებს;
• ტანკსაწინააღმდეგო Javelin-ის სისტემებს;
• 32 Stryker-ის ჯავშანტრასპორტიორს;
• 155 მმ და 105 მმ საარტილერიო ჭურვებს;
• 120-მმ-იან და 60-მიან ნაღმმტყორცნ ჭურვებს.

გარდა ამისა, სამხედრო დახმარების პაკეტში ასევე შედის TOW-ის ტიპის რაკეტები, Hornet-ის უპილოტო საჰაერო სისტემები, Hydra-70-ის საზენიტო რაკეტები, "ტაქტიკური საჰაერო ნავიგაციის სისტემები", ასაფეთქებელი საბრძოლო მასალა დაბრკოლებების გადალახვისთვის, 28 მილიონზე მეტი ვაზნა მცირე იარაღისთვის, ყუმბარები, ღამის ხედვის მოწყობილობები, თერმოგრაფიული სისტემები, სათადარიგო ნაწილები და სასწავლო საბრძოლო მასალა.

შეგახსენებთ, რომ აშშ-ის მხრიდან ეს 43-ე სამხედრო დახმარების პაკეტია, რომელიც უკრაინას გადაეცემა.

საერთო ჯამში, ომის დაწყებიდან დღემდე, აშშ-მა უკრაინისთვის 41 მილიარდ დოლარზე მეტი გამოყო.

ამასთან, გუშინ, 25 ივლისს ევროკომისიამ უკრაინას მაკროფინანსური დახმარების სახით 1,5 მილიარდი ევრო გამოუყო.

ავტორი: ექსპრესნიუსი,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა