გავაგრძელებთ შეხვედრებს, რისიც ეშინიათ. თუ უნდა ჩავსულიყავი 150-160 სოფელსა და რაიონში, ჩავალ 240-ში, ყველგან გელოდებით,- აღნიშნულის შესახებ "ერთიანი ნაციონალური მოძრაობის" თავმჯომარემ, ლევან ხაბეიშვილმა საგარეჯოში მომხდართან დაკავშირებით განაცხადა.

ლევან ხაბეიშვილის თქმით, დღეს "ქვების სროლის ორგანიზატორი" საგარეჯოს საკრებულოს თავმჯდომარის მოადგილე ლექსო იოსელიანი იყო.

"ამ ქვებს დღეს პენსიონერებს ესროდნენ ბიძინა ივანიშვილის დაქირავებული ტიტუშკები. "ნასედკა" ნომერი ერთი - საგარეჯოს საკრებულოს თავმჯდომარის მოადგილე ლექსო იოსელიანი, რომელიც დღეს ქვების სროლის ორგანიზატორი იყო. "ნასედკა" ნომერი ორი - ვანო ბეჟიაშვილი საგარეჯოს საკრებულოს "ქართული ოცნების" ფრაქციის თავმჯდომარე. სუს-ის "ნასედკა" ნომერი სამი - ვეფხია უსტიაშვილი, საგარეჯოს საკრებულოს სპორტისა და ახალგაზრდობის კომისიის თავმჯდომარე; ირაკლი რუაძე - საგარეჯოს საკრებულოს წევრი.

ეს 4 ადამიანი 40 წუთში ვისი იდენტიფიცირებაც მოვახერხეთ ესენი არიან. თქვენ ნახეთ, რომ ის იყო ფიზიკური ანგარიშსწორება. ჩვენ არაფრის არ გვეშინია, მოვუწოდებ საზოგადოებას კარგად დაფიქრდნენ რა ძალასთან გვაქვს საქმე. ეს ადამიანები არ გვაცდიან მოქალაქეებთან შეხვედრას. გადასული არიან ძალადობაზე და ეს არის ბოლო ჟამი. ეს ბოლო ჟამი დადგა და ისტერიკა დაიმართეს მას შემდეგ, რაც მთავარმა ანტიპუტინისტმა მიხეილ სააკაშვილმა გააკეთა განცხადება, რომ ის ერთვება პოლიტიკაში და დიახ, პრეზიდენტ სააკაშვილთან ერთად, ჩვენს მოსახლეობასთან ერთად, ჩვენ ვაპირებთ ამ ქვასროლია პუტინისტებს კუდით ქვა ვასროლინოთ პოლიტიკურად და მოვაშოროთ საქართველოს ხელისუფლებას. ყველამ კარგად იცოდეს, გავაგრძელებთ შეხვედრებს, რისიც ეშინიათ. თუ უნდა ჩავსულიყავი 150-160 სოფელსა და რაიონში, ჩავალ 240-ში, ყველგან გელოდებით",- განაცხადა ხაბეიშვილმა.

ცნობისთვის, დღეს საგარეჯოში, სადაც "ერთიანი ნაციონალური მოძრაობა" საპენსიო რეფორმასთან დაკავშირებით შეხვედრას მართავდა, სიტყვიერი და ფიზიკური დაპირისპირება მოხდა.

ავტორი: ექსპრესნიუსი,

სოციალური ქსელები

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა

Bloomberg: რუსეთის საწვავის კრიზისმა გავლენა მოახდინა ცენტრალურ აზიაზე