იუსტიციის მინისტრი - მოვუწოდებთ მსჯავრდებულს, ჩანასახშივე განწირული მანიპულაციების ნაცვლად შეასრულოს ექიმების რეკომენდაციები

2023-07-04 23:12:48, 755 ნახვა

პოლიტიკა

იუსტიციის მინისტრი რატი ბრეგაძე მსჯავრდებულ მიხეილ სააკაშვილს მოუწოდებს, შეასრულოს ექიმების რეკომენდაციები და მიიღოს მათ მიერ რეკომენდებული საკვები.

„მსჯავრდებული სააკაშვილი ახლაც არ ემორჩილება სრულად მკურნალობის კურსს და არ იღებს ექიმების მეირ რეკომენდებულ საკვებს. მსჯავრდებულის გამოჯანმრთელებით გულწრფელად დაინტერესებულ ადამიანებს და თავად მსჯავრდებულსაც მოვუწოდებთ – ჩანასახშივე განწირული მანიპულაციების ნაცვლად შეასრულოს ექიმების რეკომენდაციები და მიიღოს იმ რაოდენობის და იმ სახეობის საკვები, რასაც ეუბნებიან ექიმები", - აცხადებს რატი ბრეგაძე.

იუსტიციის მინისტრი დასძენს, რომ "სააკაშვილის მიერ წარმოებული ხანგრძლივი თვითდაზიანების კამპანია მიზნად ისახავდა მისთვის სასჯელის გადავადებას ან სასჯელისაგან გათავისუფლებას, თუმცა, მან შედეგი ვერ გამოიღო"

„საზოგადოებისთვის კარგად ცნობილია მიხეილ სააკაშვილის მიერ წარმოებული საკმაოდ ხანგრძლივი თვითდაზიანება, რომელიც მიზნად ისახავდა ჯანმრთელობის მდგომარეობის გაუარესებას და ამით სასჯელის გადავადებას ან გათავისუფლებას, თუმცა, საზოგადოებამ იხილა, რომ ტყუილზე დაფუძნებული მოკლე ნაბიჯები ძალიან სწრაფად დასრულდა", - აღნიშნავს მინისტრი.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),