ევროკომისიისგან მოვისმინეთ, რომ საქართველოს მთავრობა მოლოდინს ვერ ამართლებს,- ამის შესახებ გერმანიის ევროპისა და კლიმატის მინისტრმა, ანნა ლურჰმანმა სტოკჰოლმში, ევროკავშირის წევრი ქვეყნების მინისტრების შეხვედრამდე განაცხადა.

ლურჰმანის თქმით, საქართველოში პრობლემას კანონის უზენაესობისა და მართლმსაჯულების რეფორმების მიმართულება წარმოადგენს.

„საქართველოს ადგილი ნამდვილად ევროპულ ოჯახშია. მე უამრავ ქართველს შევხვდი, რომლებსაც მართლა სურთ იყვნენ ევროკავშირში. სამწუხაროდ, ჯერჯერობით კომისიისგან მოვისმინეთ, რომ მთავრობა მოლოდინებს ვერ ამართლებს, რეფორმების ტემპი არ არის ისეთი, როგორიც უნდა იყოს. აშკარაა, რომ საქართველოს მოქალაქეები მოითხოვენ მთავრობისგან ამ რეფორმების პრიორიტეტების შესრულებას, არამხოლოდ იმისთვის, რომ ევროკავშირში ჩამოვიდნენ, არამედ იმიტომაც, რომ საქართველო ამით გახდება უფრო თავისუფალი და კანონის უზენაესობაზე დაფუძნებული ქვეყანა.

ევროკომისიისგან მოვისმენთ უფრო მეტ დეტალს, მაგრამ რაც ვიცით, არის ის, რომ ბევრი პრობლემაა კანონის უზენაესობის და სასამართლოს რეფორმების კუთხით. იყო საუბარი იმის შესახებაც, როგორ ეპყრობიან სამოქალაქო საზოგადოებას.

გერმანიის მხრიდან ნათელია, რომ ჩვენ გვსურს ვნახოთ ევროკავშირში და ნამდვილად ვუჭერთ მხარს ნებისმიერ ადამიანს საქართველოში, ვისაც ამ გზაზე სიარული სურს. აშკარაა, რომ კრიტერიუმები უნდა შესრულდეს, რომ შემდგომი ნაბიჯები გადაიდგას“,- განაცხადა ლურჰმანმა.

ცნობისთვის, დღეს 22 ივნისს, შვედეთში ევროკავშირის წევრი სახელმწიფოების მინისტრები უკრაინის, მოლდოვისა და საქართველოს პროგრესის შესახებ შუალედურ ზეპირ მოხსენებას მოუსმენენ.

ავტორი: ექსპრესნიუსი,

სოციალური ქსელები

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე

დრონებმა მოსკოვს, იაროსლავისა და როსტოვის ნავთობგადამამუშავებელ ქარხნებს შეუტიეს, შედეგად ხანძარი გაჩნდა

ნიდერლანდების პრემიერ-მინისტრის პარტიის ოფისში აფეთქება მოხდა, ეჭვმიტანილი დაკავებულია