ევროკომისიის დასკვნის მიხედვით, საქართველოს პირობების მხოლოდ 25% აქვს შესრულებული ანუ 75% ჰაერშია,- ამის შესახებ "რადიო თავისუფლების" ევროპის ბიუროს რედაქტორი რიკარდ იოზვიაკი აცხადებს.

იოზვიაკის თქმით, ევროკომისია ასევე უთითებს, რომ მოლდოვასა და უკრაინასთან შედარებით, საქართველოს ყველაზე ნაკლები წინსვლა აქვს.

"ეს არის შუალედური ანგარიში და ეს ნიშნავს, რომ გზის ნახევარი უკვე გავლილია. ეს ნიშნავს, რომ თქვენ ისევ გაქვთ საქმე გასაკეთებელი. ევროკომისიის დასკვნის მიხედვით, საქართველოს პირობების მხოლოდ 25% აქვს შესრულებული ანუ 75% ჰაერშია. ევროკომისია ამბობს, რომ მოლდოვასა და უკრაინასთან შედარებით, საქართველოს ყველაზე ნაკლები წინსვლა აქვს და მათ უფრო მეტი პროგრესი.თუ მაგალითად, მედიის საკითხს მოვიყვანთ, შუალედურ დასკვნაში წერია, რომ საქართველოს საერთოდ არაფერი გაუკეთებია. დანარჩენ პუნქტებზე წერია, რომ ნაწილობრივი პროგრესია, ეს კი ნახევარზე ნაკლებს ნიშნავს. საქართველო რომ სტუდენტი იყოს, საშობაო არდადეგებზე არ გაუშვებდნენ და მთელი არდადეგები სამუშაო ექნებოდა... დღეს ელჩები ნახავენ ამ დოკუმენტს, ხვალ კი მინისტრები. ოფიციალური პირები, რომლებსაც ვესაუბრები ხოლმე, ხედავენ, რომ უკრაინა და მოლდოვა მართლაც რაღაცას აკეთებენ, საქართველოს შემთხვევაში კი, უფრო მეტი კითხვები ჩნდება",- განაცხადა იოზვიაკმა.

მისივე თქმით, "შეიძლება საქართველომ მიიღოს სტატუსი დამატებითი პირობებით, მწვანე შუქი, მაგრამ ეს თავისი არსით მწვანე არ იქნება".

ცნობისთვის, ევროკომისია საქართველოს, უკრაინისა და მოლდოვის მიერ განხორციელებული რეფორმების პროგრესთან დაკავშირებით ზეპირ მოხსენებას 21-22 ივნისს წარადგენს. 

ზეპირი ანგარიში ევროკავშირის 27 ქვეყნის ელჩებს ბრიუსელში 21 ივნისს, ხოლო ევროკავშირის საგარეო საქმეთა მინისტრებს სტოკჰოლმში 22 ივნისს წარედგინებათ.

ავტორი: ექსპრესნიუსი,

სოციალური ქსელები

პაპუაშვილი ევროკავშირის ელჩ პაველ ჰერჩინსკის ღია წერილით მიმართავს

მეორე მსოფლიო ომის მონაწილეები ერთჯერადად 2 000 ლარს, ხოლო დაღუპულთა ოჯახების წევრები 1 000 ლარს მიიღებენ

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე