მიხეილ სააკაშვილის გამოჯანმრთელებას შეიძლება ჰქონდეს ორი თეორიული მიზეზი - ან სასწაული ან სტრასბურგის გადაწყვეტილება. მე მგონია, რომ მიზეზი არის სტრასბურგის გადაწყვეტილება,- ამის შესახებ "ქართული ოცნების" თავმჯდომარემ, ირაკლი კობახიძემ განაცხადა.

როგორც კობახიძე ჟურნალისტებს უთხრა, ექსპრეზიდენტი "მიუნჰაუზენია" და საზოგადოებას "600 დღის განმავლობაში" ატყუებდა.

"იყო თავიდან ბოლომდე 600-დღიანი პოლიტიკური კამპანია. უმტკიცებდნენ საზოგადოებას, ბევრი დააჯერეს კიდეც, რომ ეს კაცი 600 დღის განმავლობაში ყოველდღე კვდებოდა და თან კვდებოდა ხან წამებით, ხან მოწამვლით და ა.შ. და უცებ, ეს ადამიანი ხდება ჩვეულებრივად ჯანმრთელი. ეს არის, რა თქმა უნდა, ცარიელი სიმულაცია, ცარიელი სპეკულაცია, თუმცა 600 დღის განმავლობაში ადამიანებს აჯერებდნენ, რომ სააკაშვილი კვდებოდა. ეს უბრალოდ სირცხვილია... ეს კაცი არის მიუნჰაუზენი - 600 დღის განმავლობაში ატყუებდა საზოგადოებას",- თქვა კობახიძემ.

მმართველი პარტიის თავმჯდომარე ასევე გამოეხმაურა პოლიტიკაში დაბრუნების შესახებ მესამე პრეზიდენტის განცხადებას და აღნიშნა, რომ მიხეილ სააკაშვილს "არავითარი შანსები არ აქვს".

შეგახსენებთ, 16 ივნისს საქართველოს მესამე პრეზიდენტმა, მიხეილ სააკაშვილმა გაავრცელა განცხადება, რომ მიუხედავად ჯანმრთელობის მდგომარეობისა, აპირებს აქტიურად ჩართვას ქართულ პოლიტიკაში, უკრაინაში ჩართულობის პარალელურად.

ავტორი: ექსპრესნიუსი,

სოციალური ქსელები

ენერგეტიკული ბაზარი: ცვლილებები და საინვესტიციო შესაძლებლობები - ბიზნესთან შეხვედრა გაიმართა

დაესწარით თანამედროვე ხელოვნების ბაზრობა Tbilisi Art Fair 2026-ს - ღონისძიების მხარდამჭერია SOLO

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ