ჩვენ თავიდანვე ვთქვით, ამ წლის ივნისის ბოლომდე დასრულდებოდა 12 პუნქტზე მუშაობა და ამ პირობას პირნათლად ვასრულებთ, სესიის დასრულებამდე ყველა კანონი გვექნება მიღებული - ამის შესახებ „ქართული ოცნების“ თავმჯდომარე ირაკლი კობახიძემ საქართველოს პირველი არხის გადაცემაში „დღის თემა“ განაცხადა.

როგორც კობახიძემ აღნიშნა, ხელისუფლებამ თითოეული პუნქტის შესრულებასთან დაკავშირებით პირნათელია და საკითხს სრული პასუხისმგებლობით უდგება. 

„ჩვენს დღის წესრიგს რაც შეეხება, რომელიც უკავშირდება 12 პუნქტის შესრულებას, ჩვენ თავის დროზე წარვადგინეთ გეგმა. ამ გეგმას მივყვებით, 12 პუნქტთან დაკავშირებით დაახლოებით ერთი წელია, გრძელდება მუშაობა. ჩვენ თავიდანვე ვთქვით, ამ წლის ივნისის ბოლომდე დასრულდებოდა 12 პუნქტზე მუშაობა და ამ პირობას პირნათლად ვასრულებთ. სესიის დასრულებამდე ყველა კანონი გვექნება მიღებული, რომელიც დაკავშირებულია 12 პუნქტთან. დარჩენილია დეოლიგარქიზაციის შესახებ კანონი, დავამტკიცეთ ამ კვირაში სასამართლოს შესახებ კანონმდებლობა. ყველა ამ მიმართულებით ძალიან ინტენსიური სამუშაო პროცესი წარიმართება. ჩვენ მივიღეთ ყველა შესაბამისი კანონი. რეალურად, ერთი კანონი დარჩა მისაღები. ამის შემდეგ, ჩვენ უკვე დეტალურად წარვადგენთ საზოგადოების წინაშე ანგარიშს, იმასთან დაკავშირებით, შინაარსობრივად როგორ შესრულდა თითოეული პუნქტი.

ჩვენ ვართ ბოლომდე პირნათელი თითოეული პუნქტის შესრულებასთან დაკავშირებით. სადაც იყო ჩვენი პასუხისმგებლობა, ყველა პუნქტი არის პირნათლად შესრულებული. რა თქმა უნდა, ჩვენი პასუხისმგებლობა ცალმხრივად ვერ იქნება – დეპოლარიზაციის განხორციელება, ამას სჭირდება ორმხრივი ძალისხმევა. აქედან გამომდინარე, ამაზეც გვექნება, ბუნებრივია, ჩვენი პოზიცია დასაფიქსირებელი და დავაფიქსირებთ. სადაც იყო ჩვენი ცალმხრივი პასუხისმგებლობა, ეს უკავშირდებოდა მათ შორის კანონების მიღებას, თანამდებობის პირების არჩევას, ყველგან ვიმოქმედეთ სრული პასუხისმგებლობით“, - აღნიშნა ირაკლი კობახიძემ.

ავტორი: ექსპრესნიუსი,

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა