უკრაინის წარმატებულმა კონტრშეტევამ, შესაძლოა, ორი რამ გააკეთოს - საკუთარი პოზიცია ნებისმიერი მოლაპარაკების მაგიდასთან გააძლიეროს და შესაძლოა, გამოიწვიოს პუტინის საბოლოო ფოკუსირება მოლაპარაკებებზე, მის მიერვე დაწყებული ომის დასასრულებლად,- ამის შესახებ ამერიკის შეერთებული შტატების სახელმწიფო მდივანმა, ენტონი ბლინკენმა განაცხადა.

როგორც ბლინკენმა ვაშინგტონში იტალიის საგარეო საქმეთა მინისტრთან, ანტონიო ტაიანისთან ერთად გამართულ პრესკონფერენციაზე თქვა, კონტრშეტევა მშვიდობის დაახლოების და არა მისი გადავადების საშუალებაა.

"ჩვენ გავაგრძელებთ მხარდაჭერის მაქსიმალურ გაზრდას უკრაინისადმი ახლა, რათა მან შეძლოს წარმატების მიღწევა ბრძოლის ველზე. უკრაინას შეუძლია დროთა განმავლობაში ძლიერი შემაკავებელი და თავდაცვითი შესაძლებლობები შექმნას თავისი სამხედროებისთვის. თუ რუსეთი მომავალში შეეცდება მორიგი აგრესიის განხორციელებას, უკრაინას უნდა ჰქონდეს შესაძლებლობა, რომ თავი ეფექტურად დაიცვას",- განაცხადა სახელმწიფო მდივანმა. 

ავტორი: ექსპრესნიუსი,

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა