უკრაინის შეიარაღებულმა ძალებმა დონეცკის რეგიონის სოფელი სტოროჟევოე გაათავისუფლეს. აღნიშნულის შესახებ ინფორმაციას უკრაინის 35-ე საზღვარო ბრიგადის კონტრადმირალი მიხაილო ოსტროგრადსკი ავრცელებს.

მისი თქმით, დეოკუპაციის პროცესში სამხედროებმა, დაახლოებით, 50 "რაშისტი" გაანადგურეს, 4 რუსი კი ტყვედ აიყვანეს. 

"კონტრშეტევის ფარგლებში 35-ე ბრიგადის სამხედროებმა დონეცკის რეგიონის სოფელი სტოროჟევოე გაათავუსუფლეს. დეოკუპაციის პროცესში სამხედროებმა, დაახლოებით, 50 "რაშისტი" გაანადგურეს, 4 რუსი კი, ტყვედ აიყვანეს. დღეს სახელმწიფო დროშა ისევ ფრიალებს სოფელ სტოროჟევოეში და ასე იქნება ყველა დასახლებულ პუნქტში, სანამ არ გავათავისუფლებთ მთელ უკრაინულ მიწას. ოპერაცია, დაახლოებით, დილის 5 საათზე დაიწყო. სამხედროებმა შტურმი დაიწყეს. მტერმა წინააღმდეგობა გაგვიწია და არტილერიიდან ისროდა, თუმცა უკრაინელმა ჯარისკაცებმა წარმატებით განახორციელეს შეტევა და სტოროჟევოე გაათავისუფლეს",- განაცხადა ოსტროგრადსკმა.

სოფელ სტოროჟევოე გათავისუფლებას ადასტურებს უკრაინის თავდაცვის მინისტრის მოადგილე ანა მალიარიც.

"ეროვნული დროშა კვლავ ფრიალებს სტოროჟევოეში და ასე იქნება ყველა დასახლებაში, სანამ არ გავათავისუფლებთ მთელ უკრაინულ მიწას“, - წერს მალიარი.

ცნობისთის, დონეცკის რეგიონის სოფელი სტოროჟევოე ოკუპირებული 2022 წლის 11 მარტიდან იყო. 

ამასთან, 11 ივნისს ცნობილი გახდა, რომ უკრაინელმა სამხედროებმა ერთდროულად დონეცკის ოლქის 2 სოფელი - მაკაროვკა და ბლაგოდატნოეც გაათავისუფლეს.

ავტორი: ექსპრესნიუსი,

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა