კადიროველების მიერ წელიწადნახევრის წინ გატაცებული ჩეჩენი ოპოზიციონერი იანგულბაევების დედა საავადმყოფოშია გადაყვანილი.

ჩეჩნური ოპოზიციური მოძრაობა "ადათი" განცხადებას ავრცელებს სადაც წერს რომ გატაცებული ქალის მდგომარეობა მძიმეა.

"სულ რაღაც ორიოდე საათის წინ ზარემა მუსაევა მძიმე მდგომარეობაში საავადმყოფოში გადაიყვანეს. მუსაევამ გადაადგილება ვერ შეძლო და ინვალიდის ეტლით გადაიყვანეს. შეგახსენებთ, რომ ზარემა მუსაევას არაერთი მძიმე დაავადება აქვს და ახლახან სასამართლომ უარყო მისი ჰოსპიტალიზაცია და ამ მდგომარეობამდე მიიყვანა.

წელიწადზე მეტია ის კადიროვის ტყვეობაშია, სადაც მისი ჯანმრთელობა ყოველდღიურად უარესდება." - წერია ადათის განცხადებაში.

კადიროვი ხანდაზმულ ქალს, ზარემა მუსაევას ციხეში კეტავს და მძევლად იყენებს. ამრიგად, ის შურს იძიებს ძმებ იანგულბაევებზე მათი რადიკალური ანტი-კადიროვის პოზიციისთვის, ისევე როგორც საინფორმაციო საქმიანობისთვის საზღვარგარეთ.

„წინასწარი დაკავების იზოლატორში წელიწადნახევარია, მხედველობა გაუუარესდა და ზურგის პროგრესირებადი ტკივილის გამო პრაქტიკულად ვერ მოძრაობს. ის ეტლით არის გადაყვანილი, ვერ სარგებლობს სიარულით, კორტები მძიმეა მისთვის“, - ამბობს აბუბაკარ იანგულბაევი.

მანამდე აბუბაკარმა კადიროვს დედასთან გაცვლა შესთავაზა, მაგრამ კადიროვმა მისი მიმართვა უგულებელყო.

ავტორი: ექსპრესნიუსი,

სოციალური ქსელები

მოსკოვში დრონებით თავდასხმის შესახებ განაცხადეს და ქალაქის აეროპორტებმა ფრენები შეაჩერეს

Porsche კიდევ 5000 სამუშაო ადგილს შეამცირებს

გერმანიაში დაახლოებით 450 პოტენციური ისლამისტი ტერორისტი იქნა იდენტიფიცირებული

ტრამპი: ირანს იგივე ემართება, რაც ვენესუელას დაემართა