2023-05-30 23:31:12, 787 ნახვა
მსოფლიო
სტოლტენბერგი - შვედეთი აუცილებლად გახდება ნატო-ს სრულუფლებიანი წევრი
აბსოლუტურად მშვიდად ვარ იმასთან მიმართებით, რომ შვედეთი აუცილებლად გახდება ნატო-ს სრულუფლებიანი წევრი, - ამის შესახებ ნატო-ს გენერალურმა მდივანმა, იენს სტოლტენბერგმა ოსლოში განაცხადა, სადაც საგარეო საქმეთა მინისტრების არაფორმალური შეხვედრები გაიმართა.
მისივე თქმით, შვედეთის ნატო-ში გაწევრიანების პროცესს მეტი დრო დასჭირდება, ვიდრე თავად სურს, რადგან რთულია ნატო-ს წევრი 31 ქვეყნის ერთ გადაწყვეტილებაზე შეთანხმება.
„ჩვენ გვექნება მჭიდრო კონტაქტი ანკარასთან, პრეზიდენტ ერდოღანთან, რათა დავეხმაროთ ამ პროცესს, რომ რაც შეიძლება მალე წარიმართოს“, - აღნიშნა სტოლტენბერგმა.
ავტორი: ექსპრესნიუსი,
epn.ge (@expressnews.ge)
