ვაშინგტონის განცხადებები, რომ შეიძლება სანქციები დაუწესდეს საქართველოს იმის გამო, რომ რუსეთთან ფრენები აღადგინეს, სხვა არაფერია, თუ არა სუვერენული სახელმწიფოს შიდა საქმეებში ჩარევა,- ამის შესახებ რუსეთის ფედერაციის საგარეო საქმეთა სამინისტროს პრესსპიკერმა, მარია ზახაროვამ განაცხადა.

ზახაროვასთვის გაუგებარია, "რატომ არ იწვევს ვაშინგტონში კითხვებს პირდაპირი ფრენები სხვა ქვეყნებთან და საქართველოსთან იწვევს".

"რატომ უნდა იყოს აშშ-ის საქმე, რაზე მოილაპარაკებს ორი სუვერენული სახელმწიფო. თუ აშშ ადამიანის უფლებებს პირველ ადგილზე აყენებს, მაშინ ამ შემთხვევაშიც ამ პრინციპით უნდა ხელმძღვანელობდეს. ადამიანები წლების განმავლობაში გვწერდნენ წერილებს და გვთხოვდნენ, რომ ეს ფრენები აღგვედგინა. გარდა ამისა, გაუგებარია, რატომ არ იწვევს ვაშინგტონში კითხვებს პირდაპირი ფრენები სხვა ქვეყნებთან და საქართველოსთან იწვევს. სომხეთთან ხომ გვაქვს პირდაპირი ფრენები, აზერბაიჯანთანაც გვაქვს. ეს საქართველოს დისკრიმინაცია გამოდის",- ამბობს ზახაროვა.

შეგახსენებთ, მიმდინარე წლის 10 მაისს, რუსეთის პრეზიდენტმა, ვლადიმერ პუტინმა 2019 წლის 21 ივნისს საქართველოსთან პირდაპირი ფრენების შეწყვეტის შესახებ გაცემული ბრძანება გააუქმა. საქართველოს მოქალაქეებისთვის ასევე გაუქმდა სავიზო რეჟიმი. გადაწყვეტილება ძალაში 2023 წლის 15 მაისიდან შევიდა. კიდევ ერთი გადაწყვეტილება, რომლის შესახებაც რუსეთმა გამოაცხადა, „საქართველოში მოგზაურობისგან თავის შეკავების რეკომენდაციის“ გაუქმებას გულისხმობდა.

პირდაპირი ფრენების აღდგენის გადაწყვეტილებიდან ხუთ დღეში, საქართველოს სამოქალაქო ავიაციის სააგენტომ პირდაპირი რეისების განსახორციელებლად პირველი ნებართვაც გასცა. 15 მაისს, ფრენების შესრულების ნებართვა რუსულმა ავიაკომპანია Azimuth Airlines-მა 17 მაისიდან, კვირაში 7 სიხშირით მიიღო. 19 მაისს, შოთა რუსთაველის თბილისის საერთაშორისო აეროპორტში რუსული ავიაკომპანია Azimuth Airlines-ის კუთვნილი თვითმფრინავი დაეშვა.

აღსანიშნავია, რომ სამოქალაქო ავიაციის სააგენტომ, რომელიც ირწმუნება, რომ Azimuth Airlines-ი ევროკავშირის შავ სიაში არ იმყოფება, რუსეთ-საქართველოს შორის პირდაპირი რეისების შესასრულებლად, 16 მაისს, თბილისი-მოსკოვი-თბილისის მიმართულებით რეგულარული ოპერირების განხორციელებისთვის ავიაკომპანია Georgian Airways-სთვის კიდევ ერთი ნებართვა გასცა.

19 მაისს, სამოქალაქო ავიაციის სააგენტომ გაავრცელა ინფორმაცია, რომლის მიხედვითაც, ივნისიდან სოჭი-თბილისი-სოჭის და მოსკოვი-ქუთაისი-მოსკოვის საჰაერო ხაზებზე ოპერირებას ავიაკომპანია Red Wings-იც დაიწყებს.

ავტორი: ექსპრესნიუსი,

სოციალური ქსელები

ტრამპმა რუსეთსა და უკრაინას შორის სამდღიანი ცეცხლის შეწყვეტის შესახებ განაცხადა

„მადიარი“ კრემლის ერთ-ერთი მთავარი სამიზნეა

ჯანმო: ჰანტავირუსის აფეთქება პანდემიის დასაწყისი არ არის

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო