აჭარის პოპულარიზაცია სამიზნე ქვეყნებში გრძელდება. ამჯერად, რეგიონს ტუროპერატორები და ავიაკომპანიების წარმომადგენლები საუდის არაბეთიდან სტუმრობენ. აღნიშნულის შესახებ ინფორმაციას აჭარის ტურიზმისა და კურორტების დეპარტამენტი ავრცელებს.

მათი ცნობით, ბათუმის ტურისტული ინფრასტრუქტურისა და ძირითადი ღირსშესანიშნაობების მონახულების შემდეგ ინფოტურის მონაწილეებმა  მთიან აჭარაში იმოგზაურეს, ასევე ჰქონდათ საქმიანი შეხვედრები ადგილობრივ ტუროპერატორებთან.

„აჭარა და ზოგადად, საქართველო საუდის არაბეთში მიმზიდველი ტურისტული მიმართულებაა, რაზეც ბათუმის მიმართულებით გაზრდილი ფრენების სიხშირეები და ვიზიტორების რაოდენობა (+118% ) მეტყველებს.

აჭარის ტურიზმის დეპარტამენტის მიერ ორგანიზებული ინფოტურის მონაწილეები გეგმავენ არაბ ტურისტებს აჭარა, როგორც ოთხი სეზონის ტურისტული მიმართულება შესთავაზონ. ადგილობრივ ტურსააგენტოებთან ერთად მათ უკვე დაიწყეს ერთობლივ ტურისტულ პაკეტებზე მუშაობა, რაც ხელს შეუწყობს რეგიონში არაბი ვიზიტორების რაოდენობის ზრდას. დეპარტამენტი რეგიონის ტურისტული შესაძლებლობების რეკლამირების მიზნით ტურისტული სააგენტოებისა და მედიის წარმომადგენლების მასპინძლობას ყველა სამიზნე ქვეყნიდან გეგმავს. 2022 წელს, პრეს-ინფოტურების შედეგად რეგიონს 500-მდე ჟურნალისტი, ბლოგერი, ტურისტული და ავიაკომპანიის წარმომადგენელი სტუმრობდა“,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს