2025 წელს, პოლონეთის ევროკავშირის საბჭოს თავმჯდომარეობის დროს, ქვეყანა ყველაფერს გააკეთებს, რათა უზრუნველყოს უკრაინისა და მოლდოვას ევროკავშირში გაწევრიანება,- ამის შესახებ პოლონეთის პრეზიდენტმა, ანჯეი დუდამ პოლონეთის პრემიერ-მინისტრ მატეუშ მორავეცკისთან ერთობლივ ღონისძიებაზე განაცხადა.

დუდას თქმით, ევროკავშირის საბჭოში პოლონეთის პრეზიდენტობისას მთავარი პრიორიტეტი უკრაინის, მოლდოვასა და დასავლეთ ბალკანეთის ქვეყნების EU-ში გაწევრიანება იქნება.

"მე და პრემიერ-მინისტრმა [მატეუშ მორავეცკი] კარგად ვიცით, რას ნიშნავს დიდი ხნის ლოდინი, რას ნიშნავს გინდოდეს, გახდე თავისუფალი დასავლეთის ნაწილი. დღევანდელი მომენტის ისტორიული მოთხოვნაა უკრაინისა და მოლდოვის ევროკავშირში მიღება",- განაცხადა დუდამ.

აღსანიშნავია, რომ სიტყვით გამოსვლისას პოლონეთის პრეზიდენტს საქართველოზე არაფერი უთქვამს.

შეგახსენებთ, რომ ევროკავშირმა უკრაინასა და მოლდოვას კანდიდატის სტატუსი 2021 წლის ივნისში მიანიჭა, ხოლო საქართველოს კი ევროპული პერსპექტივა და 12-პუნქტიანი გეგმა, რომელიც საქართველომ კანდიდატის სტატუსის მისაღებად უნდა შეასრულოს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს