ჯანდაცვის მსოფლიო ორგანიზაციის (WHO) ცნობით, სუდანში ბიოლოგიურად საშიში ნივთიერებების გავრცელების მაღალი რისკი არსებობს.

ოფიციალური პირების განცხადებით, ამ ეტაპზე გაურკვეველია, ვის აქვს დაკავებული სუდანის დედაქალაქ ხართუმში მდებარე საზოგადოებრივი ჯანდაცვის ეროვნული ლაბორატორია.

"მთავარ საზრუნავს წარმოადგენს ის, რომ ლაბორატორიაში შესვლა ვერ ხერხდება, რათა უსაფრთხოდ მოხერხდეს იქ არსებული ბიოლოგიური ნივთიერებების შენახვა",- განაცხადა ჯანდაცვის მსოფლიო ორგანიზაციის წარმომადგენელმა სუდანში. 

ამასთან, როგორც WHO-ში BBC-ის განუცხადეს, შენობას ელექტროენერგიის მიწოდება შეუწყდა, რაც ლაბორატორიაში არსებულ მასალას საფრთხეს უქმნის, გარდა ამისა, ელექტროენერგიის გარეშე, შესაძლოა, ლაბორატორიაში შენახული სისხლის პაკეტები გაფუჭდეს.

ცნობისთვის, სუდანში, ქვეყნის არმიასა და სამხედრო დაჯგუფების „სწრაფი მხარდაჭერის ძალების“ მებრძოლებს შორის დაპირისპირება 15 აპრილს დაიწყო და ამ დრომდე არ შეწყვეტილა. 

ჯანდაცვის მსოფლიო ორგანიზაციის ბოლო მონაცემებით, დაპირისპირების დაწყებიდან დღემდე 459 ადამიანი დაიღუპა, ხოლო 4 072 დაშავდა.

აღსანიშნავია, რომ გუშინ 25 აპრილს, სუდანის შეიარაღებული ძალები და გასამხედროებული „სწრაფი მხარდაჭერის ძალები“ 72 საათით ცეცხლის შეწყვეტაზე შეთანხმდნენ.

საქართველოს 35-მდე მოქალაქე სუდანის დატოვებას 25 აპრილამდე ვერ ახერხებდა, თუმცა საქართველოს საგარეო უწყებამ გაავრცელა ინფორმაცია, რომ საქართველოს მოქალაქეების ევაკუაციის პირველი ეტაპი დასრულდა და ისინი ნეიტრალურ ზონაში, სუდან-ეგვიპტის საზღვარზე გადაიყვანეს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს