2023-04-21 19:31:13, 1427 ნახვა
მსოფლიო
დასავლეთის სანქციების საფრთხის გამო, ინდოეთისთვის რუსული იარაღის მიწოდება შეწყდა - Bloomberg
ინდოეთისთვის რუსული იარაღის მიწოდება შეჩერდა ქვეყნის ხელისუფლების შიშის გამო, რომ აშშ-ის სანქციების ქვეშ მოექცნენ. ინფორმაციას Bloomberg ინდოეთის მთავრობის წყაროებზე დაყრდნობით ავრცელებს.
სააგენტოს ცნობით, რუსეთი დაახლოებით ერთი წლის განმავლობაში ვერ იღებს ორ მილიარდ დოლარზე მეტს ინდოეთისთვის განკუთვნილი იარაღისთვის.
სააგენტოს ცნობით, ინდოეთს არ სურს რუსეთს იარაღში დოლარით გადაუხადოს აშშ-ს სანქციების თავიდან ასაცილებლად. თავის მხრივ, რუსეთი უარს ამბობს ინდოეთის მიერ შეთავაზებულ გადახდის ვარიანტზე ინდური რუპიით, ამ ვალუტის არასტაბილურობის გამო.
ახლა ინდოეთის ხელისუფლება ცდილობს გაარკვიოს, როგორ განაახლოს მარაგი და არ მოხვდეს სანქციების ქვეშ. ერთ-ერთი ვარიანტი, რომელიც განიხილება, არის ბარტერი, წერს Bloomberg.
ავტორი: ექსპრესნიუსი,
epn.ge (@expressnews.ge)
