უკრაინაში ომის დროს, რუსეთის ციხეებიდან 17 ათასი პატიმარი გაუჩინარდა. აღნიშნულის შესახებ ინფორმაციას გამოცემა Медиазона ავრცელებს.

გამოცემამ მონაცემები ფედერალური სასჯელაღსრულების სამსახურის 35 რეგიონული დეპარტამენტის ვებსაიტებზე აღმოაჩინა - 2023 წლის დასაწყისისთვის ამ რეგიონებში პატიმართა რაოდენობა, ჯამში, 17 000-ით შემცირდა.

„არც ფედერალური სასჯელაღსრულების სამსახური, არც პრიგოჟინი და არც თავდაცვის სამინისტრო არ აქვეყნებდნენ ოფიციალურ მონაცემებს ომის დროს გაყვანილი პატიმრების რაოდენობის შესახებ.

დაქირავებულების რაოდნეობა შეიძლება შეფასდეს ციხეში მყოფთა სტატისტიკით, მაგრამ ფედერალურმა სასჯელაღსრულების სამსახურმა გარკვეული დროით შეწყვიტა მისი გამოქვეყნება, ხოლო იანვარში განაცხადეს, რომ პატიმრების რაოდენობა აღარ იკლებს“,- წერს გამოცემა.

გამოცემის ცნობითვე, პატიმრების უმეტესობა გაუჩინარდა სამარაში (2 723), ჩელიაბინსკში (1 574), კიროვის რეგიონებში (1 153) და ტატარსანში (1 040).

ამასთან, გამოცემა იუწყება, რომ შეგროვებული მონაცემები არასრულია და უცნობია, რამ განაპირობა სმოლენსკის რეგიონში და ოკუპირებულ ყირიმში პატიმრების რაოდენობის ზრდა, ვინაიდან ახალი კოლონიების შესახებ ინფორმაცია არ ყოფილა.

ავტორი: ექსპრესნიუსი,

სოციალური ქსელები

The Telegraph: „მსურველთა კოალიცია“ შესაძლოა ლიდერის გარეშე დარჩეს

ტრამპმა განაცხადა, რომ აშშ-ს შეუძლია ირანზე დარტყმა ნებისმიერ მომენტში განახორციელოს

დრონებმა შეუტიეს ოკუპირებულ ყირიმს: აფეთქებებმა შეძრა ქერჩი, სიმფეროპოლი და ფეოდოსია

უკრაინის შეიარაღებულმა ძალებმა ვლადიმირის მახლობლად Wildberries-ის საწყობს დაარტყეს.