2023-04-15 17:04:31, 1020 ნახვა

---

გიული ალასანია ზელენსკიზე - ადამიანი ბრძოლის ველიდან აკეთებს ასეთ განცხადებას, ძალიან ვაფასებ და მადლობელი ვარ

ძალიან დასაფასებელია, ადამიანი ბრძოლის ველიდან აკეთებს ასეთ განცხადებას, ძალიან მადლობელი ვარ და ვაფასებ, - ასე გამოეხმაურა მესამე პრეზიდენტის, მიხეილ სააკაშვილის დედა გიული ალასანია, უკრაინის პრეზიდენტის, ვოლოდიმირ ზელენსკის განცხადებას, რომელმაც საქართველოს მთავრობას მიხეილ სააკაშვილის საკითხის ირგვლივ ეთიკური გადაწყვეტილებისკენ მოუწოდა.

გიული ალასანიას თქმით, ვოლოდიმირ ზელენსკიმ ზუსტად იცის, რომ მიხეილ სააკაშვილი არის ადამიანი, რომელიც უკრაინის ერთგული მეგობარია და უკრაინის კეთილდღეობისთვის ყველაფერ გააკეთებს.

"ძალიან დასაფასებელია, ადამიანი ბრძოლის ველიდან აკეთებს ასეთ განცხადებას. რა თქმა უნდა, ძალიან მადლობელი ვარ, ძალიან ვაფასებ. მე ვფიქრობ, რომ ზუსტად იცის რისთვის აკეთებს. ზუსტად იცის, რომ ეს არის ადამიანი, რომელიც თავს დადებს უკრაინისთვის და ნამდვილად არის უკრაინის ერთგული მეგობარი", - განაცხადა გიული ალასანიამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი