2023-04-14 22:15:15, 1278 ნახვა

---

ზელენსკი - მიხეილ სააკაშვილის სიცოცხლე ახლა დამოკიდებულია არა პოლიტიკურ, არამედ წმინდა ეთიკურ გადაწყვეტილებაზე

მიხეილ სააკაშვილის სიცოცხლე ახლა დამოკიდებულია არა პოლიტიკურ, არა პირად, არამედ წმინდა ეთიკურ გადაწყვეტილებაზე, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

მისივე თქმით, როდესაც ადამიანს სჭირდება სამედიცინო დახმარება, რაზეც დამოკიდებულია მისი სიცოცხლე, მაშინ აუცილებელია გადაიდგას ქმედითი ნაბიჯი და მას მიეცეს მკურნალობის გაგრძელების საშუალება.

"მიხეილ სააკაშვილის სიცოცხლე ახლა დამოკიდებულია არა პოლიტიკურ, არა პირად, არამედ წმინდა ეთიკურ გადაწყვეტილებაზე, რომელსაც აქვს სუფთა და ძლიერი სამართლებრივი საფუძველი. თუ ადამიანს სჭირდება სამედიცინო დახმარება, თუ მასზეა დამოკიდებული სიცოცხლე, მაშინ აუცილებელია ეს ნაბიჯი გადაიდგას. ვიცი, რომ მიხეილის ადვოკატებმა ახლა გადაუდებელი მიმართვა შეიტანეს ევროსასამართლოში, რათა მას სათანადო მკურნალობა გაუწიონ და როგორც ჩანს, ეს მისი სიცოცხლის გადარჩენის ერთადერთი გზაა", - განაცხადა ზელენსკიმ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი