პოლონეთის მთავრობა უკრაინას კიდევ ოთხ  MiG-29-ის ტიპის ავიაგამანადგურებელს გადასცემს,- ამის შესახებ პოლონეთის პრეზიდენტმა, ანჯეი დუდამ ვარშავაში უკრაინის პრეზიდენტ ვოლოდიმირ ზელენსკისთან გამართულ პრესკონფერენციაზე განაცხადა.

დუდას თქმით, ვარშავა ასევე მზად არის, კიდევ მეტი თვითმფრინავი გაგზავნოს კიევში.

"ჩვენი საწყობებიდან ოთხი MiG-29, უკრაინის შეიარაღებულ ძალებს უკვე გადაეცათ. უკრაინას დამატებით კიდევ ოთხი MiG-29 გადაეცემა.

ჩვენ ასევე მზად ვართ, უკრაინას კიდევ ექვსი MiG თვითმფრინავი გადავცეთ, რომელთა გადაცემაც საკმაოდ სწრაფად შეიძლება. ჩვენ ჯერ კიდევ გვაქვს MiG თვითმფრინავები, რომლებიც განახლებულია ნატო-ს სტანდარტებზე. ჩვენ მაინც დაგვჭირდება ეს MiG",- განაცხადა დუდამ.

ამასთან, მან არ გამორიცხა, რომ პოლონეთი საჭიროებისამებრ შეძლებდა უკრაინაში სხვა MiG-ების გადაყვანას.

"დარწმუნებული ვარ, რომ მომავალში ჩვენ შევძლებთ ჩვენი სხვა MiG-ების გადაყვანას, თუ საჭირო იქნება. მაგრამ ჩვენი მოკავშირეების თანხმობა იქნება საჭირო, რადგან მოდერნიზაციის შემდეგ მათ აქვთ შეერთებული შტატებიდან გადაცემული აღჭურვილობა," - დასძინა დუდამ.

შეგახსენებთ, რომ უკრაინის პრეზიიდენტი, ვოლოდიმირ ზელენსკი პოლონეთს დღეს, 5 აპრილს პირველ ლედისთან, ოლენა ზელენსკასთან ერთად ეწვია. ვიზიტის ფარგლებში, ზელენსკი პოლონეთის პრეზიდენმა, ანჯეი დუდამ მიიღო. დუდასთან შეხვედრის გარდა, ასევე დაგეგმილია შეხვედრა პრემიერ-მინისტრ მატეუშ მორავეცსკისთან.

ავტორი: ექსპრესნიუსი,

სოციალური ქსელები

საპატრიარქო მოსკოვის კვალდაკვალ - რატომ უთხრა მღვდლებმა უარი შვილმკვდარ ვეტერანს შვილის ეკლესიაში დასვენებაზე

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ