21 წლის ლაზარე გრიგორიადისის მიმართ თბილისის საქალაქო სასამართლოს მიერ გამოტანილ გადაწყვეტილებას დაცვის მხარე სააპელაციო სასამართლოში ასაჩივრებს. ბრალდებულის ადვოკატმა, ლიკა ბითაძემ მეორე ინსტანციაში საჩივარი უკვე შეიტანა.

როგორც უფლებადამცველმა მედიის წარმომადგენლებთან საუბრისას განაცხადა, დაცვის მხარე პატიმრობის შეცვლას გირაოთი მოითხოვს.

"გავასაჩივრეთ განჩნება და რა თქმა უნდა, მოვითხოვთ ჩვენი საჩივრის დასაშვებად ცნობას და შემდეგ უკვე პირველი ინსტანციის განჩინების გაუქმებას - ყველაზე მკაცრი აღკვეთის ღონისძიების - პატიმრობის შეცვლას გირაოთი. რითაც პირველი ინსტანციის სასამართლომ დაასაბუთა პატიმრობა და გამოუტანა ყველაზე მკაცრი აღკვეთის ღონისძიება, რა თქმა უნდა, ეს არ არის დასაბუთებული, ეს არის ზოგადი და შაბლონური ხასიათის მატარებელი - კონკრეტული არგუმენტებით არ არის დასაბუთებული, თუ რატომ ვერ უზრუნველყოფდნენ ნაკლებად მკაცრ აღმკვეთ ღონისძიებას, კერძოდ გირაოს, რასაც ვითხოვდით", - აცხადებს გრიგორიადისის უფლებამდაცველი.

შეგახსენებთ, თბილისის საქალაქო სასამართლოს გადაწყვეტილებით, 21 წლის ლაზარე გრიგორიადისს აღკვეთის ღონისძიების სახით წინასწარი პატიმრობა 31 მარტს შეეფარდა.

"უცხოური აგენტების" კანონპროექტის წინააღმდეგ პროტესტში მონაწილე ლაზარე გრიგორიადისი 29 მარტს დააკავეს. 21 წლის ახალგაზრდას პოლიციელზე თავდასხმასა და ცეცხლის წაკიდებით სხვისი ნივთის დაზიანებას ედავებიან.

შსს-ს ინფორმაციით, გამოძიებით დადგინდა, რომ ლაზარე გრიგორიადისმა მიმდინარე წლის 7, 8, 9 მარტს, თბილისში, რუსთაველის გამზირზე გამართულ საპროტესტო აქციაზე პოლიციის თანამშრომლებს ესროლა ქვები და ე.წ. მოლოტოვის კოქტეილები, რის შედეგადაც დაზიანება მიიღეს სამართალდამცველებმა. ასევე, მან ცეცხლი წაუკიდა შინაგან საქმეთა სამინისტროს კუთვნილ ავტომობილს.

აღნიშნულ ფაქტებზე გამოძიება სისხლის სამართლის კოდექსის 353-ე პრიმა და 187-ე მუხლებით წარიმართა.

ავტორი: ექსპრესნიუსი,

სოციალური ქსელები

საპატრიარქო მოსკოვის კვალდაკვალ - რატომ უთხრა მღვდლებმა უარი შვილმკვდარ ვეტერანს შვილის ეკლესიაში დასვენებაზე

ტაილანდის საელჩომ განაცხადა, რომ პოპულარული თრეველ-ბლოგერის, გარდაცვალების შესახებ ოფიციალური შეტყობინება მხოლოდ 29 ივლისს მიიღო

უკრაინის დრონების თავდასხმებმა შავი ზღვის პორტების გავლით რუსეთში საქონლის ნაკადი შეაფერხა

ზედიზედ მესამე თვეა, რუსი გენერლები არმიის რეკორდულ რაოდენობის „ხორცის შტურმისთვის“ იყენებენ