რუსეთის მართლმადიდებელი ეკლესია იზიარებს პასუხისმგებლობას უკრაინაში ჩადენილ დანაშაულებზე, - ამის შესახებ მსოფლიო მართლმადიდებელმა პატრიარქმა ბართოლმემ განაცხადა.

როგორც პატრიარქმა ბართლომემ ლიეტუვის პარლამენტში გამართულ კონფერენციაზე აღნიშნა, რუსეთის ფედერაციის ხელისუფლებამ თავისი სტრატეგიული მიზნებისთვის ეკლესია, როგორც ინსტრუმენტი, გამოიყენა.

"რუსეთის ეკლესია და სახელმწიფო ხელმძღვანელობა თანამშრომლობდნენ აგრესიის დანაშაულში და იზიარებდნენ პასუხისმგებლობას იმ დანაშაულებზე, როგორიცაა უკრაინელი ბავშვების შოკისმომგვრელი გატაცება", - განაცხადა პატრიარქმა ბართლომემ.

მსოფლიო პატრიარქის თქმით, ის მზად არის, ომის შემდგომ, რუსეთს „სულიერ აღორძინებაში“ დაეხმაროს.

შეგახსენებთ, 17 მარტს, ჰააგის სისხლის სამართლის საერთაშორისო სასამართლომ რუსეთის პრეზიდენტის ვლადიმირ პუტინის დაკავების ორდერი გასცა. გარდა ამისა, ორდერი გაიცა ბავშვთა საკითხების ომბუდსმენის მარია ლვოვა-ბელოვას დაკავებაზე.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა