რაც რატი ბრეგაძემ გააჟღერა, არის ტყუილი - "მოკლეფეხებიანი ტყუილი", - ასე ეხმაურება მიხეილ სააკაშვილის გათავისუფლების შტაბის ხელმძღვანელი გიორგი ჩალაძე იუსტიციის მინისტრის განცხადებას, რომ უწყებაში ექსპრეზიდენტის ან მისი ოჯახის მხრიდან, მკურნალობაში უცხოელი ექიმების ჩართვის მოთხოვნით, განცხადება არ შესულა.

ჩალაძემ ცოტა ხნის წინ გამართულ საგანგებო ბრიფინგზე რატი ბრეგაძეს მოუწოდა, შეასრულოს პირობა, რომელიც მესამე პრეზიდენტთან ევროკავშირის სამედიცინო მისიის დაშვებას შეეხება.

"მინდა რატი ბრეგაძის განცხადებას გამოვეხმაურო. დღევანდელი ინფორმაცია, რაც მან გააჟღერა, არის ტყუილი - "მოკლეფეხებიანი ტყუილი". ბ-ნო რატი, მინდა გაგაფრთხილოთ და მოგმართოთ თხოვნით, რომ ნებისმიერი ცრუ ინფორმაცია და არასწორი ინტერპრეტაცია ნებისმიერი საკითხის ზუსტად ასეთ გამოხმაურებას ჰპოვებს ჩვენგან, მაგრამ ეს არ არის ჩვენი მიზანი. ჩვენი მიზანი არის ის, რომ რაც შეიძლება მოკლე დროში მოხდეს პრეზიდენტ სააკაშვილთან პრემიერ-მინისტრის მიერ საჯაროდ დადებული პირობის აღსრულება, რომელიც მიუნხენში, უსაფრთხოების კონფერენციაზე დადო და შემდეგ თქვენი პირობა ევროკავშირის მისიის წარმომადგენლებთან, რომ დაუშვებდით პრეზიდენტ სააკაშვილთან ევროკავშირის სამედიცინო მისიას, რომლის ინიციატორიც არის პოლონეთის მხარე... მოგიწოდებთ, საქმით დავკავდეთ და არ დავიწყოთ ფურცლებით ხმალაობა",  - განაცხადა გიორგი ჩალაძემ.

შეგახსენებთ, დღეს, 20 მარტს იუსტიციის მინისტრმა, რატი ბრეგაძემ თქვა, რომ "არ ყოფილა შემოსული არც მიხეილ სააკაშვილის, არც მისი ოჯახის მხრიდან რამე განცხადება, რომლის მიხედვითაც გვთხოვდნენ, რომ მიხეილ სააკაშვილის მკურნალობაში ჩართულიყვნენ უცხოელი ექიმები".

ავტორი: ექსპრესნიუსი,

სოციალური ქსელები

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს

პეტერ ფიშერი შიო III-ს სრულიად საქართველოს კათოლიკოს-პატრიარქად არჩევას ულოცავს

შეიძინე კრიპტო თიბისის მობაილბანკში და მიიღე შანსი, დასაჩუქრდე YE, Kanye West-ის კონცერტის ბილეთებით