2023-03-01 09:07:49, 3095 ნახვა

---

საბერძნეთში სამგზავრო და სატვირთო მატარებელი ერთმანეთს შეეჯახა - დაიღუპა 32 ადამიანი, ხოლო 85-ზე მეტი დაშავდა

საბერძნეთში, ქალაქ ლარისასთან ერთმანეთს სამგზავრო და სატვირთო მატარებლები შეეჯახა. აღნიშნულის შესახებ ინფორმაციას CNN-ი ავრცელებს.

გამოცემის ცნობით, შემთხვევას სულ მცირე 32 ადამიანი ემსხვერპლა, 85-ზე მეტი კი დაშავდა.

არსებული ინფორმაციით, სამგზავრო მატარებელს 350 მგზავრი გადაჰყავდა. მაშველებმა სამგზავრო მატარებლიდან 194 მგზავრის ევაკუაცია მოახერხეს. დაშავებულები ახლოს მდებარე საავადმყოფოებში გადაიყვანეს, მათგან 25-ის მდგომარეობა კრიტიკულად მძიმეა.

ამასთან, როგორც საბერძნეთის საგანგებო სამსახურში აცხადებენ, მიმდინარეობს სამაშველო სამუშაოები და შესაძლოა, დაღუპულთა რიცხვი კიდევ გაიზარდოს.

 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი