1-23 მარტს, RS CAR გადასახადის გადამხდელებს 7 ლოკაციაზე მოემსახურება

2023-02-28 16:36:31, 713 ნახვა

საზოგადოება

1-23 მარტს, ფინანსთა სამინისტროს შემოსავლების სამსახურის მოძრავი სერვისცენტრი - RS CAR - გადასახადის გადამხდელებს 7 ლოკაციაზე, იმ რეგიონებში მოემსახურება, სადაც შემოსავლების სამსახურის სერვისცენტრები არ არის განთავსებული.

RS CAR (მიკროავტობუსი) აღჭურვილია შემოსავლების სამსახურის სერვისცენტრებში არსებული ტექნიკური საშუალებებით. შესაბამისად, გადასახადების გადამხდელებს შესაძლებლობა აქვთ, მათთვის ხელსაყრელ დროსა და სივრცეში, დასახლებული პუნქტიდან გაუსვლელად, დროულად მიიღონ სასურველი მომსახურება.

კერძოდ: კონსულტაცია საქართველოს საგადასახადო კოდექსისა და შესაბამისი ნორმატიული აქტების გამოყენებასთან დაკავშირებით, შემოსავლების სამსახურის ელექტრონული გვერდის სარგებლობის მიზნით, ავტორიზაციის შემდგომ განცხადებების მიღება და რეაგირება, მიკრო/მცირე ბიზნესისა და ფიქსირებული გადასახადის გადამხდელის სტატუსის მინიჭება/გაუქმება. ასევე, მაღალმთიანი დასახლების საწარმოს სტატუსის მინიჭება/შეჩერება/შეწყვეტის განცხადებების მიღება. აგრეთვე, შესაძლებელია შემოსავლების სამსახურის კომპეტენციის ფარგლებში შესაბამისი ცნობების გაცემა (საგადასახადო დავალიანების, გადამხდელის რეგისტრაციის, დღგ-ის რეგისტრაციის, შემოსავლების შესახებ და სხვა) და ა.შ.

N	ადგილი	თარიღი	მისამართი	დრო
1	ლანჩხუთი	01.03.2023	ჟორდანიას ქ. N 135, პოლიციის შენობის გვერდით	10:00-17:00
2	გურჯაანი	01.03.2023	თამარ მეფის ქ. #9 (კურორტ ახტალის შესასვლელთან)	10:00-17:00
3	ლენტეხი	02.03.2023	თამარ მეფის ქ. N 24, გამგეობის შენობის წინ	10:00-17:00
4	ყვარელი	02.03.2023	კუდიგორის ქ. N 1, მუნიციპალიტეტის შენობასთან	10:00-17:00
5	ამბროლაური	13.03.2023	კოსტავას ქ. 20	10:00-17:00
6	ყაზბეგი	16.03.2023	გამგეობის შენობის მიმდებარე ტერიტორია	10:00-17:00
7	ონი	23.03.2023	აღმაშენებლის მოედანი N1, საკრებულოს წინ	10:00-17:00