აჭარის ჯანმრთელობისა და სოციალური დაცვის მინისტრმა ნინო ნიჟარაძემ, პირველ მოადგილესთან, მარი ზანაქიძესთან ერთად, მაღალტექნოლოგიური ჰოსპიტალი ,,მედცენტრის"  სამედიცინო პერსონალთან შეხვედრა გამართა.

შეხვედრის მიზანს წარმოადგენდა ექიმებისთვის სამინისტროს 2023 წლის პროგრამული სიახლეების გაცნობა, სამედიცინო დაწესებულების მიერ სამინისტროს პროგრამებში ჩართულობა, ასევე ახალი შესაძლებლობებისა და საჭიროებების გამოვლენა.

,,შეხვედრა გავმართეთ ,,მედცენტრის" ექიმებთან და დაწესებულების ხელმძღვანელთან. ჰოსპიტალი ჩართულია როგორც საყოველთაო ჯანდაცვის, ასევე აჭარის ჯანდაცვის სამინისტროს პროგრამებში. სახელმწიფომ მოქალაქეებისათვის არაერთი შეღავათი დააწესა, მიმდინარე წელს აჭარის ჯანდაცვის სამინისტრომ დანერგა ახალი პროგრამები და განახორციელა მნიშვნელოვანი პროგრამული ცვლილებები, ჩვენი მიზანია თითეული მოქალაქე იყოს ინფორმირებული ამ შესაძლებლობების შესახებ, რომ სრულფასოვნად შეძლონ მკურნალობის პროცესის წარმართვა“ - აღნიშნა მინისტრმა, ნინო ნიჟარაძემ.

მაღალტექნოლოგიური ჰოსპიტალი - "მედცენტრი" ჩართულია სამინისტროს შემდეგ პროგრამებში - ავთვისებიანი სიმსივნით დაავადებულ პაციენტთა დამატებითი სამედიცინო მომსახურება, გულის ქირურგიის დამატებითი სამედიცინო მომსახურება, სახსრების ენდოპროთეზირება, ინდივიდუალური სამედიცინო დახმარება, ზოგიერთი სოციალური კატეგორიის მოსახლეობის სამედიცინო მომსახურების თანადაფინანსება და ამბულატორიული მაღალტექნოლოგიური დიაგნოსტიკური კვლევები. 

შეხვედრაზე საუბარი შეეხო საქართველოს ოკუპირებულ ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ინიციატივას - DRG მეთოდს, რის შედეგად 2022 წლის 1 ნოემბრიდან აჭარაში რეგისტრირებული მოაქალაქეებისთვის, აჭარის ჯანდაცვის სამინისტროს თანადაფინანსებით გულის ქირურგია და ონკოქირურგია სრულად ფინანსდება.

აჭარის ჯანდაცვის სამინისტროს პროგრამების ფარგლებში 2023 წელს გაიზარდა, სიმსივნის საწინააღმდეგო მედიკამენტების ნუსხა და წლიური ლიმიტი - 25 000 ლარამდე, თითოეულ მომართვაზე დასაფინანსებელი თანხის ოდენობა - 10 000 ლარამდე, პოზიტრონ-ემისიური კომპიუტერული ტომოგრაფიული (PET/CT) კვლევის დაფინანსება 90-100% -მდე.

ავტორი: NS (სტატია დაფინანსებულია),

სოციალური ქსელები

„საქართველოს ბანკის“ ტერმინალი სალარო აპარატის ფუნქციით - 0% საკომისიო საბარათე გადახდებზე მიკრო და მცირე ბიზნესისთვის

ევროკომისიის სპიკერი: უნდა გაათავისუფლონ ვახო სანაია, ყველა სხვა დაკავებული პირიც

რუმინეთის პრეზიდენტი ქვეყნის საჰაერო სივრცეში რუსული დრონის ჩამოგდებას იუწყება

კიდევ ერთი გამარტივებული პროცესი თიბისისგან თვითდასაქმებულებისთვის