საქართველოს პარლამენტში „უცხოური აგენტების შესახებ“ მიერ მომზადებულ კანონპროექტის ინიცირებას სამოქალაქო სექტორი და მედიის წარმომადგენლები აპროტესტებენ. 

ბიუროს ოთახთან, სადაც ამ წუთებში სხდომა მიმდინარეობს ბანერებია გაშლილი წარწერით: "არა რუსულ კანონს", "თქვენ თვითონ ხართ უცხოეთის აგენტები" , "რუსული კანონი არ არის საქართველოს არჩევანი".

ადგილზე შეკრებილმა აქტივისტებმა ბიუროს სხდომაზე "ხალხის ძალის" წარმომადგენლები შეძახილებით შეაცილეს. 

ცნობისთვის, "ხალხის ძალის" წარმომადგენლებმა 15 თებერვალს გამართულ საგანგებო ბრიფინგზე განაცხადეს, რომ პარლამენტში „უცხოური გავლენის გამჭვირვალობის შესახებ“ კანონპროექტს დააინიცირებენ. ანტიდასავლურ მოძრაობაში ამბობენ, რომ შეიქმნება უცხოური გავლენის აგენტების რეესტრი, სადაც დარეგისტრირდება ყველა ის არასამეწარმეო იურიდიული პირი და მედიასაშუალება, რომელთა შემოსავლების 20%-ზე მეტი უცხოური ძალების მიერ ფინანსდება.

აღნიშნული კანონპროექტის ინიცირებას გამოეხმაურა ამერიკის შეერთებული შტატების სახელმწიფო დეპარტამენტის პრესსპიკერი ნედ პრაისი, რომელმაც განაცხადა, რომ "ასეთ კანონს შეუძლია პოტენციური საფრთხე შეუქმნას საქართველოს ევროატლანტიკურ ინტეგრაციას". 

ავტორი: ექსპრესნიუსი,

სოციალური ქსელები

აშშ-ში თავშესაფრის მისაღებად ყალბ ისტორიებს ქმნიდნენ – პროკურატურამ ბრალდება 4 პირს წარუდგინა

კალაძე: "დიფსთეითი" თანამედროვე მსოფლიოსთვის უდიდესი პრობლემაა

გაზსადენზე მომხდარი ავარიის გამო დიღომში, დიდ დიღომსა და გლდანის რაიონში 4600 აბონენტს გაზის მიწოდება შეუწყდა

მერიამ ე.წ. დეზერტირების ბაზრის მიმდებარედ გარემოვაჭრეების დახლები აიღო