ჩვენ ყველაფერი უნდა გავაკეთოთ იმისთვის, რომ რუსული აგრესია უკვე წელს დასრულდეს, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

მისივე თქმით, უკრაინისთვის უკვე შეიქმნა სატანკო კოალიცია, მოიხსნა ტაბუ შორეული რაკეტების მიწოდების საკითხზე  და ამასთან ერთად მსოფლიომ უკვე გაგო თუ რამდენად აუცილებელია საავიაციო კოალიციის შექმნა.

"უსაფრთხოების კონფერენციაზე უკრაინის მთავარი გზავნილი აშკარაა: ჩვენ ყველაფერი უნდა გავაკეთოთ იმისთვის, რომ რუსული აგრესია უკვე წელს დასრულდეს. ეს შესაძლებელია და ეს აუცილებელია. მაგრამ შესაძლებელია თუ უკრაინა ამისთვის საჭირო იარაღს მიიღებს.

ვაშინგტონში ჩემი ვიზიტის შემდეგ ჩვენი დიპლომატიური მარათონი შესვენების გარეშე გრძელდება. უკრაინისთვის უკვე შეიქმნა სატანკო კოალიცია, უკვე მოხსნილია ტაბუ შორეული რაკეტების მიწოდებაზე, უკვე იყო ახალი წარმატებები ჩვენი არტილერიის გაძლიერების მხრივ და მსოფლიომ უკვე გაიგო, რამდენად აუცილებელია საავიაციო კოალიციის შექმნა. უკრაინა თავის საგარეო პოლიტიკას ყოველთვის ემყარება საერთაშორისო ურთიერთობების ყველა მონაწილის პატივისცემას. ყველა ერი თანასწორია და იმსახურებს დამოუკიდებელ ცხოვრებას და მშვიდობიან თანამშრომლობას სხვა ერებთან. მადლობას ვუხდი ყველას, ვინც ჩვენს პოზიციებს იკავებს ფრონტზე, ვინც ანადგურებს მტერს და ყველას გვაძლევს გამარჯვების რწმენას. უკრაინა გაიმარჯვებს! დიდება ყველას, ვინც ახლა ბრძოლაშია! მადლობა ყველას, ვინც ეხმარება ჩვენს ქვეყანას! დიდება უკრაინას!", - განაცხადა ზელენსკიმ.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს