რუსეთის საგარეო საქმეთა სამინისტროს ოფიციალური წარმომადგენლის, მარია ზახაროვას განცხადებით შეერთებული შტატები და ნატო-ს წევრი ქვეყნები ჩართული არიან რუსეთ-უკრაინის ომში, თუმცა ამა არ აღიარებენ. 

ზახაროვას თქმით, დასავლეთი უდანაშაულო მზერით ცდილობს, მსოფლიოს დაუმტკიცოს, რომ კონფლიქტის მხარე არ არის, რაც "ცინიზმისა და სიმხდალის" ნიშანია. 

„სახელმწიფოები და მთლიანად ნატო-ს წევრები გულგრილები არიან იმის მიმართ, რომ სამიზნე არის საცხოვრებელი ფართები, სკოლები, საავადმყოფოები, საბავშვო ბაღები. მათი ჯიბის არასამთავრობო ორგანიზაციებიც ჩუმად არიან: ისინი ძალიან იშვიათად აძლევენ თავს უფლებას რაიმე თქვან, მაგრამ მაშინაც დონორებისგან თავში ჩარტყმას იღებენ და  ჩუმდებიან. ამის შემდეგაც ნატო-ს ქვეყნები უდანაშაულო მზერით ცდილობენ მსოფლიო საზოგადოებას დაუმტკიცონ, რომ კონფლიქტის მხარე არ არიან. რაც მთავარია, გაუგებარია რატომ. 

ჩართულობა მაქსიმალურია: მრავალი წლის განმავლობაში პროვოკაციული ქმედებები, ახლა კიევის რეჟიმის პირდაპირი ხელმძღვანელობა, ყველაფერი და  სრული კავშირი - კორუფცია, ფული და იარაღი. მაგრამ რატომღაც, ის ჯერ კიდევ არ არის კონფლიქტის მხარე.  ეს, რა თქმა უნდა, სცილდება ცინიზმსა და სიმხდალეს - აღიარონ საკუთარი მონაწილეობა იმ დანაშაულებში, რომლებიც ჩადენილია უკრაინელი სამხედროების მიერ", - განაცხადა ზახაროვამ მოსკოვში გამართულ ბრიფინგზე.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს