კრამონი - 576 კოლეგა და მე ვეთანხმებით - სააკაშვილის ჯანმრთელობის მდგომარეობაზე საქართველოს ხელისუფლებაა პასუხისმგებელი

2023-02-16 10:37:52, 769 ნახვა

პოლიტიკა

576 კოლეგა და მე ვეთანხმებით - სააკაშვილისა და სხვა პატიმრების ჯანმრთელობის მდგომარეობაზე საქართველოს ხელისუფლებაა პასუხისმგებელი, - ასე ეხმაურება ევროპარლამენტარი ვიოლა ფონ კრამონი ევროპარლამენტის მიერ მესამე პრეზიდენტთან დაკავშირებით რეზოლუციის მიღებას.

როგორც კრამონი Twitter-ზე წერს, მიხეილ სააკაშვილის ჯანმრთელობის მდგომარეობის გათვალისწინებით, "სასწრაფოდ ჰუმანიტარული გადაწყვეტილების მიღებაა საჭირო".

"რეზოლუცია ხმათა უმრავლესობით არის მიღებული. 576 კოლეგა და მე ვეთანხმებით - სააკაშვილისა და სხვა პატიმრების ჯანმრთელობის მდგომარეობაზე საქართველოს ხელისუფლებაა პასუხისმგებელი

სასწრაფოდ საჭიროა ჰუმანიტარული გადაწყვეტილება, რომ საქართველომ ბოლოს და ბოლოს შეძლოს სხვა საკითხებზე კონცენტრირებაც", - წერს კრამონი სოციალურ ქსელში.

ცნობისთვის, ევროპარლამენტმა მიხეილ სააკაშვილის ჯანმრთელობის მდგომარეობის შესახებ რეზოლუცია გუშინ, 15 თებერვალს მიიღო.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,