რუსეთსა და ოკუპირებული ყირიმის ტერიტორიაზე უკრაინელი ბავშვების „საგანმანათლებლო ბანაკები“ მოქმედებს. ამის შესახებ იელის უნივერსიტეტის ჰუმანიტარულ მეცნიერებათა კვლევის ლაბორატორიის ანგარიშშია ნათქვამი. 

გამოძიების ავტორების ინფორმაციით, რუსეთისა და ანექსირებული ყირიმის ტერიტორიაზე მინიმუმ 43 დაწესებულების ქსელია, რომელთა უმეტესობა უკრაინიდან 4 თვიდან 17 წლამდე ასაკის ბავშვების „იდეოლოგიურ გადამზადებას“ ახორციელებენ. 

მკვლევარების შეფასებით, 2022 წლის 24 თებერვლიდან ამ ბანაკებში 6000-ზე მეტი უკრაინელი ბავშვი შევიდა. ამავე დროს, ისინი აღიარებენ, რომ ბავშვების რეალური რაოდენობა შესაძლოა გაცილებით მეტი იყოს.

ბანაკების უმეტესობა სამედიცინო დაწესებულებებშია განთავსებული. ზოგიერთი კი, უკრაინელი ბავშვების რუსეთის ფედერაციაში აღსაზრდელად ან გასაშვილებლად არის გამოყენებული. 

ამ ინსტიტუტების უმეტესობა დროებით ოკუპირებულ ყირიმში მდებარეობს. თუმცა, 10 ბანაკი მდებარეობს რუსეთის დიდი ქალაქებიდან არც თუ ისე შორს - მოსკოვი, ყაზანი და ეკატერინბურგი. ასევე არის ბანაკები ციმბირსა და შორეულ აღმოსავლეთში.

გამოძიება ასევე დასძენს, რომ ყირიმსა და ჩეჩნეთის ბანაკებში უკრაინელ ბავშვებს ცეცხლსასროლი იარაღისა და სამხედრო აღჭურვილობის მართვას ასწავლიან.

"ბანაკების მთავარი ფუნქცია, როგორც ჩანს, პოლიტიკური ხელახალი განათლებაა. უკრაინელ ბავშვებს რუსული იდეები უნერგავენ აკადემიურ, კულტურულ, პატრიოტულ და სამხედრო სფეროებში", - ნათქვამია ანგარიშში.

ბანაკებში ბავშვების უმეტესობა რუსეთის მიერ ოკუპირებული დონბასის რეგიონებიდან არის წაყვანილი, ნაწილი კი ხარკოვის, ხერსონისა და ზაპორიჟიის რეგიონებიდან. 

აღნიშნულია, რომ რუსები ახორციელებენ ზეწოლას მშობლებზე, რათა მიიღონ თანხმობა ბავშვების ბანაკებში გაგზავნაზე. გამოკითხული მშობლების ნაწილი ამბობს, რომ არ დათანხმდნენ შვილების ასეთ დაწესებულებებში გაგზავნას, მაგრამ ისინი მაინც გაგზავნეს.

ავტორი: ექსპრესნიუსი,

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს