|
2023-02-08 13:37:25, 1085 ნახვა
მსოფლიო
თურქეთში მიწისძვრის შედეგად გარდაცვლილთა რიცხვმა 10,000-ს გადააჭარბა
თურქეთში მიწისძვრის შედეგად გარდაცვლილთა რიცხვი სწრაფად იზრდება და უკვე 10,000-ს გადააჭარბა, ბოლო მონაცემებით, თვით თურქეთში 10100-ზე მეტი ადამიანი დაიღუპა, 39000-ზე მეტი დაშავდა. -ამის შესახებ, სააგენტო "ანადოღლუ იუწყება. სამხრეთ თურქეთსა და ჩრდილოეთ სირიაში სამაშველო სამუშაოები მეორე ღამეა გრძელდება, თუმცა მათ დაბალი ტემპერატურა და დაზიანებული გზები აფერხებს - ბეტონის ფილების ასაწევი აღჭურვილობის მიწოდება რთულია. თურქი კოლეგების დასახმარებლად მაშველები მთელი მსოფლიოდან მოდიან. მიუხედავად იმისა, რომ გადარჩენილები, მათ შორის მცირეწლოვანი ბავშვები, კვლავაც ნანგრევებიდან გამოყვანილნი არიან, მოსახლეობაში სასოწარკვეთა და რისხვა იზრდება სამაშველო სამუშაოების ნელი პროგრესის გამო. თურქეთმა მსგავსი ტრაგედია 1999 წელს განიცადა. შემდეგ, სტამბოლიდან არც თუ ისე შორს, იზმიტში, მარმარილოს ზღვის სანაპიროზე, 7,7 მაგნიტუდის სიმძლავრის მიწისძვრამ 17 ათასზე მეტი ადამიანის სიცოცხლე შეიწირა. შეგახსენებთ, რომ 6 თებერვალს თურქეთის სამხრეთ-აღმოსავლეთ ნაწილში, სირიის საზღვართან ახლოს 7.8 მაგნიტუდის სიმძლავრის მიწისძვრა მოხდა. აშშ-ის გეოლოგიური სამსახურის ცნობით, მიწისძვრა ადგილობრივი დროით 04:17 საათზე 17,9 კმ სიღრმეზე ქალაქ გაზიანტეპთან დაფიქსირდა. მოგვიანებით, ადგილობრივი დროით 13:24 საათზე თურქეთში კიდევ ერთი 7.8 მაგნიტუდის სიმძლავრის მიწისძვრა დაფიქსირდა. სეისმოლოგიის დამოუკიდებელი სამეცნიერო ორგანიზაციის ცნობით, მიწისძვრის ეპიცენტრი ქვეყნის ცენტრალურ ნაწილში იყო. გარდა ამისა, სტიქიური მოვლენის შემდეგ თურქეთში 7 დღიანი გლოვაა გამოცხადებული, მთელი თურქეთის მასშტაბით სახელმწიფო დროშები დაეშვა.
პერმს ტუაფსეს მსგავსი ეკოლოგიური კატასტროფა ელის
ზურაბიშვილი რეჟიმის მიერ ვენახის გაშენების აკრძალვაზე - დავბრუნდით შაჰ-აბასისა თუ საბჭოთა დროს
რუსეთის მიერ უკრაინაში დადასტურებულმა დანაკარგებმა 216 000 ადამიანს გადააჭარბა.
კრემლის ჩინეთის გავლით ტექნოლოგიების იმპორტზე დამოკიდებულებამ 90%-ს მიაღწია.
|
რედაქტორის რჩევით
რატომ შეხვდნენ ოცნების მინისტრები, ჩინეთის ინტერნეტის ცენზორს
რეპრესიების არქიტექტურა – სამოქალაქო საზოგადოების გამოწვევები ავტორიტარული ტენდენციების პირობებში
ომი უკრაინაში
რუსეთმა ოდესაზე მასშტაბური დარტყმა განახორციელა
ოდესაში, რუსული სამხედრო თავდასხმის შედეგად 16 ადამიანი დაშავდა
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ექსპრესნიუსი,



epn.ge (@expressnews.ge)