კრემლი შეერთებული შტატების მიერ უკრაინისთვის Abrams M1-ის ტიპის ტანკების გადაცემას "ძვირადღირებულ სისულელეს" უწოდებს. 

როგორც კრემლის პრესმდივანმა დმიტრი პესკოვმა ჟურნალისტებთან საუბრისას განაცხადა, Abrams-ის ნებისმიერი საბრძოლო ტანკი, რომელსაც შეერთებული შტატები უკრაინას მიაწვდის - დაიწვება.

"დარწმუნებული ვარ, რომ ბევრ ექსპერტს ესმის ამ იდეის აბსურდულობა. გეგმა დამღუპველია ტექნოლოგიური თვალსაზრისით. მაგრამ უპირველეს ყოვლისა, ის გადაჭარბებულად აფასებს იმ პოტენციალს, რომელსაც უკრაინის არმიას შესძენს. ეს ტანკები ისევე დაიწვებიან, როგორც ყველა სხვა", - ამბობს პესკოვი. 

რუსეთი ამბობს, რომ სატანკო დაპირებები აჩვენებს დასავლეთის პირდაპირ და მზარდ ჩართულობას უკრაინასთან ომში. 

შეგახსენებთ, რომ ამერიკის შეერთებული შტატების პრეზიდენტმა, ჯო ბაიდენმა დაადასტურა ინფორმაცია იმის შესახებ, რომ ვაშინგტონი უკრაინას Abrams-ის ტიპის 31 ტანკს გადასცემს. 

ჯო ბაიდენის ადმინისტრაცია უკრაინისთვის Abrams M1-ის ტიპის ტანკების გადაცემას ასევე განიხილავს იმისათვის, რომ გავლენა მოახდინოს გერმანიაზე და ოლაფ შოლცმა, თავის მხრივ, Leopard-ის ტანკები გადასცეს უკრაინის შეიარაღებულ ძალებს.

ავტორი: ექსპრესნიუსი,

სოციალური ქსელები

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს

ფონ დერ ლაიენი: აშშ-მ და ევროკავშირმა ერთობლივად მიზანში უნდა ამოიღონ რუსეთის შემოსავლის ყველა წყარო

დრონების თავდასხმის შემდეგ ილსკის და სიზრანის ნავთობგადამამუშავებელ ქარხნებს ცეცხლი გაუჩნდა.

დათუნაშვილი - სამშობლოს ღალატში გამოწრთობილი ხელისუფლება მორიგ მოღალატეობრივ აქტს სჩადის